Orga batek langile bat harrapatu du eta zauri larriak eragin dizkio

Langileak lesio larriak ditu eta une honetan ebakuntza egiten ari zaizkio. Oraingoz ez dago informazio kliniko gehiagorik bere egoerari buruz.

Sindikatuak azpimarratu nahi du hau ez dela gertaera isolatu bat. Dagoeneko istripu asko erregistratu dira enpresa honetan, eta horrek erakusten du maiztasun kezkagarria duela eta enpresak bere gain hartu nahi ez duen etengabeko arrisku-egoera dagoela. Sindikatuak denbora darama prebentzio neurrien gabezia iraunkorra eta segurtasun eta osasunaren kudeaketa eskasa salatzen, Haizea Bilbaok behingoz langileen osotasuna bermatzeko neurri erreal eta eraginkorrak har ditzan eskatuz.

ELA lanean ari da datu gehiago biltzeko, baina dagoeneko 52 dira 2025ean Hego Euskal Herrian hil diren langileak.

Horregatik guztiagatik, ELAk azaroaren 12ko astean hasi ziren hainbat greba egun deitu ditu, baita beste hiru greba egun ere (abenduaren 5ean, 16an eta 17an).