ELAk salatu du esku pribatuetan utzi dutela desgaitasunaren balorazioa

Nafarroako Pertsonen Autonomia eta Garapenerako Agentziaren (PAGNA) mahai sektorialean, ELAk kritikatu egin zuen Gobernuak desgaitasuna baloratzeko zerbitzua azpikontratatzea erabaki izana, orain arte Administrazioak zuzenean eskainitako zerbitzua izan denean.
ELAk deitoratu du, desgaitasunaren balorazioan itxaron-zerrendak handitu direnez, Nafarroako Gobernuaren erabakia zerbitzua kanpora ateratzea izatea, egiturazko egoera bat konpontzen jardun beharrean, plantilla handituz eta lan-baldintzak hobetuz, horrek zerbitzu publikoak hobetzea ekarriko bailuke.
Era berean, Administrazioak jakinarazi zuen ez dela erizainik egongo asteburuetan Lizarrako Santo Domingo egoitzan, auzitegiek jada ebatzi duten arren erizainek gainbegiratu behar dutela medikazioa.
Horrek guztiak agerian uzten du Agentzia plantillak indartzeko inbertsiorik ez egiteko duen joera. Baina kasu honetan haratago joan da, zerbitzu bat pribatizatu du. ELAk zerbitzu publikoen pribatizazioaren aurka borrokatuko du, eta zerbitzu hori eta pribatizatutako beste batzuk berehala lehengoratzea eskatzen du. Horregatik, Nafarroako Gobernuari eskatzen diogu indartu dezala PAGNAko plantilla, hobetu ditzala bere lan-baldintzak eta ezarri ditzala erizaintzako langileak, erabiltzaileei ematen zaizkien botikak ikuskatuko dituztenak, eta horrek plantillan eta eskaintzen dituen zerbitzu publikoen kalitatean hobekuntza ekarriko du.