XIII. Kongresu Konfederala 2013ko urtarrilaren 23an eta 24an izango da

2012/06/06
XIII. Kongresu Konfederala 2013ko urtarrilaren 23an eta 24an izango da
Ekainaren 5ean ELAren Nazio Batzordea –Kongresuen arteko organo gorena– Bilbon bildu zen. Bileran, beste hainbat gairen artean, XIII. Kongresu Konfederala 2013ko urtarrilaren 23tik 24ra egitea adostu zen; Kongresua Bilboko Euskalduna Jauregian izango da.

Nazio Batzordeak onartu zuenez hiru izango dira Kongresuaren ardatz nagusiak: Batzorde Eragilearen txostenaren aurkezpena, hurrengo urteetarako programaren eztabaida eta onarpena eta Batzorde Eragile berriaren hautaketa.

Dagoeneko hasi dira sindikatuko militantziak eztabaidatuko duen ponentziaren zirriborroa lantzeko lanak; Kongresura joango diren ordezkariek ponentzia horren inguruan bozkatu beharko dute.