109.396 sinadura azpikontratetako lan baldintzak hobetzeko

2014/04/03
109.396 sinadura azpikontratetako lan baldintzak hobetzeko
Legegintzako Herri Ekimena babesteko jaso dituen 109.396 sinadura aurkeztu ditu gaur ELAk Eusko Legebiltzarrean. Legegintzako Herri Ekimen honen bitartez, enpresak aldatzen direnean langile azpikontratatuen subrogazio-eskubidea izatea eta gutxieneko lan eta soldata baldintzak bermatu nahi ditu ELAk. Nafarroan hasi berria da sinaduren bilketa. Adolfo Muñozen "Txiki"ren esanetan "arduradun politikoek aukera paregabea dute enpleguak lehentasuna duela erakusteko".

Legegintzako herri-ekimen honen bidez administrazio publikoetarako lan egiten duten azpikontratetako langileen lan-baldintzak hobetu nahi da. Izan ere, azken urteetako erreforma ezberdinek nabarmen kaltetu dituzte langileen eskubideak, administrazio publikoetarako lan egiten duten azpikontratetako langileak kinka larrian utzirik.

Adolfo Muñoz "Txiki", idazkari izan dira gaur goizean Gasteizen ekimenaren aurkezpenean.

 “Legegintzako herri-ekimen honen bitartez gutxieneko batzuk bermatu nahi ditugu: langile azpikontratatuen subrogazio-eskubidea, enpresa-aldaketak gertatzen direnean; gutxieneko lan- eta soldata-baldintzak; aurreko bi baldintzak edo enpresariak langileekin dituen betebeharrak bete ezean administrazioak enpresarekin duen merkataritza-kontratua amaitutzat jotzea", azaldu du Muñozek.

Idazkari nagusiak ekimen honekin administrazio publikoetarako lan egiten dutenek pairatzen dituzten arazo larrienei irtenbide bat eman nahi zaiela adierazu du. "Langile horiek ez dute nahikoa hitzarmen kolektibo on batekin, gainera beren eskubideak baldintza-orrietan jaso behar dituzte eskubideok benetan bermatuta egoteko".