Bizkaiko Metaleko grebak jarraipen masiboa izaten jarraitzen du hamargarren greba egunean
2022/12/01
Aste honetako grebaren laugarren egunean, ELAk Durangaldean egin du piketea goizean-goiz, eskualdean grebaren ia erabateko jarraipena egiaztatuz. Ondoren, manifestazioa egin du Iurretatik. Biharko, ELAk manifestazioa deitu du Bilboko Moyua plazatik, 11:00etan.
Abenduaren 1ean, grebaren jarraipena oso garrantzitsua izaten jarraitzen du, aurreko egunetan bezala. Bizkaiko metaleko langileen indarrak ez du behera egin.
ELAk Durangaldea aukeratu du piketea egiteko goizean-goiz, eta ondoren Iurretatik Durangora manifestazioan joateko.
Bihar, aste honetako grebaren bosgarren eguna eta sektoreko hamaikagarren eguna, ELAk manifestazioa egingo du Bilboko kaleetan 11:00etatik aurrera. Manifestazioa Bilboko Moyua plazatik hasiko da.