UVESA (TUTERA)

Ia erabateko lanuztea lortuta, beste hiru greba egun deitu dira

2026/05/29
Ia erabateko lanuztea lortuta, beste hiru greba egun deitu dira
Gaur ostirala, maiatzak 29, Uvesan deitutako hirugarren eta azken greba eguna, langileen asanblada egin da enpresaren ateetan, eta beste hiru greba egun deitzea erabaki da,  zehazki ekainaren 4an, 5ean eta 9an. Azken egun honetan, enpresa batzordeak elkarretaratzea deitu du Tuterako Plaza Berrian, 12:00etan.

Enpresa batzordeak komunikatu bat irakurri du jasotako babes masiboa eskertzeko, eta datozen lanuzteak iragarri ditu. Era berean, sindikatuak negoziatzeko prest agertu dira, beti ere Uvesak Tuterako lantegian negoziazio bati ekiteko konpromiso idatzia helarazten badu, plataformaren aldarrikapenei erantzunez.

Hiru egun horietan, langileen % 90ek baino gehiagok egin dute bat lanuztearekin; hala, gehiengoa nazkatuta dago lan-baldintza oso txarren aurrean, eta enpresek ez dute horiek hobetzeko borondaterik. ELAk zuzendaritzaren arduragabekeria salatu nahi du, hiru eguneko grebaren ondoren ia %100eko jarraipenarekin ez baita batzordearekin harremanetan jarri ere egin, eta gatazka areagotzearen erantzule bakarra da, ez baitu konpontzeko gaitasunik.