Patronala auzitara eraman dute hitzarmen propioa negoziatzeari uko egiteagatik

Martxoaren 14an abiatu ziren protestei eman die jarraipena; 1.500 euroko gutxieneko soldata propio baten aldeko greba orokorra . Oraingoan, elkarretaratzea hiru sindikatuek aurkeztutako salaketak markatu du. Haien esanetan, patronalaren jarrerak sektoreko 13.000 langile baino gehiagoren eskubideak urratzen ditu, lan eta bizi baldintzak negoziatu eta hobetzeko aukera ukatuz.

Sindikatuen arabera, sektoreak urteak daramatza egiturazko prekaritate egoera batean murgilduta, eta horregatik eskatu diete Gobierno Vascori eta patronalei negoziazio-esparru propio bat, estatuko hitzarmenaren inposaketetatik aldendua. Nabarmendu dutenez, langileen %80k baino gehiagok ez dute hilean 1.500 euroko soldata finkoa gainditzen, eta kasu askotan soldatak Lanbide Arteko Gutxieneko Soldatara (LGS) iristeko soilik osatzen dira.

Administrazio publikoak egin dituzte egoeraren erantzule, Enplegu Zentro Berezietan prekaritatea betikotzen duen eredua mantentzea egotzita. Horrez gain, langileek enplegu arruntera igarotzeko aukera bermatzea eskatu dute, eta zentro horiek behin-behineko izaera izan dezatela, ez iraunkorra.