ELAk epaitegietara joko du Bizkaiko autoeskoletako patronalak ez dielako langileei opor hilabeteko plusa ordaintzen

Bizkaiko autoeskoletako langileek hamazazpigarren greba eguna dute gaurkoa, eta kontzentrazioa egin dute Bilboko LHKren egoitzaren aurrean. Izan ere, patronalak langileei oinarrizko eskubideak urratzen ari zaizkie, hitzarmenaren negoziazioa oztopatzeaz gain, eta ELAk deituta bilera egin dute bertan. Hain zuzen ere, urtean zehar jasotzen duten plusen batez bestekoa opor hilabetean ez ordaintzea erabaki du patronalak, nahiz eta eskubide hori hainbatean aitortu duten epaitegiek. Hala adierazi dio sindikatuari patronalak berak ELAk deitutako LHK-ko batzarrean. Hori horrela izanik, sindikatuak epaitegietara jotzea beste biderik ez du.