ELAk mobilizazio eta greba dinamikak bultzatzearen alde lanean jarraituko du Hezkuntza Legearen edukiak baldintzatu eta hobetzeko

Hezkuntzaren sektorean greba egiteko aukera lantzen jarraituko du ELAk, Hezkuntza Legearen edukia baldintzatu eta hobetzeko. Izan ere, orain arte sindikatuak aztertu ahal izan dituen testuen arabera, oinarri horiek ez dira nahikoak: ez ditu gai nagusiak jorratzen, hala nola, euskal kurrikulumaren eta marko arautzailearen defentsa, lan baldintzen erregulazioa, hobekuntza eta homogeneizazioa, edota finantzaketa egokia. Gainera, oraindik ere zehaztasun falta handia dago ELArentzat funtsezkoak diren beste hainbat elementuetan.