ELAk ohartarazi du Getxoko Haurtegi Haurreskola itxi eta 17 pertsona kaleratu ostean ezkutatu den higiezinen espekulazioa
ELAk Ikuskaritzari eta Bizkaiko Lan Sailari Getxoko Haurtegi Haurreskolaren itxiera-prozesua ikertzeko eskatu die. Sindikatuaren ustez, higiezinen espekulazioko kasu argia da Haurreskolaren egungo lursailetan etxebizitzen sustapen bat iragartzen ari baita. Getxoko Huartegi Haurreskolak kontratu guztiak bertan behera uzteko eta Getxoko lantokia ixteko EEEa aurkeztu du. Haurtegi haurreskola eskuinaldeko leku pribilegiatu batean dago, eta enpresa ixteko eta 17 lanpostu suntsitzeko arrazoi objektibo produktibo eta ekonomikoak argudiatu ditu. Enpresak langileen ordezkariei emandako dokumentazio eskasa aztertu ondoren, ELAk adierazi du ez dagoela lan kontratuen % 100 azkentzeko arrazoirik, eskaera neurrigabea baita.
Zuzendaritza behartuta dagoena baino informazioa askoz gehiago eskatu du ELAk, baina modu kontzientean ez du eman. Haurtzegi Gova SL enpresa talde bateko kide izan daiteke lan-ondorioetarako, egungo jabeen beste enpresa batzuekin batera, eta enpresa horiei ez diete prozesu honetan eragin nahi.
ELAren ustez, enpresako zuzendaritzak itxiera argudiatzeko fikziozko kausak sortu ditu itxiera egiteko. Martxoan, enpresak berak eskatuta, Eusko Jaurlaritzako Hezkuntza Sailak jarduera-lizentzia kentzeko agindua eman zuen, urtarrilean ikasleen matrikulazioari uko egin zion eta hori gutxi ez, eta orain enpresa kokatutako gunean etxebizitzak eraikitzea iragartzen ari dira, iruzur garbia dena.