ELAk salatu du Eusko Jaurlaritzak eta Nafarroako Gobernuak langile publikoak zigortu nahi dituztela erosteko ahalmenean %20 baino gehiagoko galera metatu batekin
ELAk azpimarratu du erabaki hori alderdi politikoen eta gure herrialdeko erakundeen esku dagoela, haien botoekin eta erabakiekin euskal langile publikoen murrizketa berri hori bermatuko baitute, bai Madrilgo Kongresuan (Estatuko aurrekontuek onar dezakete erkidego bakoitzak erabaki dezala bere soldata igoera), bai Gasteizko eta Nafarroako Parlamentuetan.
ELAk jarrera inkoherenteak bertan behera uzteko eskatu die alderdi politikoei eta erakundeei: ez da bateragarria zerbitzu publikoak indartzearen aldeko apustua egiten dutela esatea, eta, aldi berean, zerbitzu publiko horien langileen % 20aren erosteko ahalmen galera babestea.
ELAk bi erabaki hartzeko eskatu die euskal erakunde eta alderdi politikoei: lehenengoa, gure herriko langile publikoen lan-baldintzak eta enplegua hemen negoziatu eta adostea. Eta bigarrena, 2023rako gutxienez 2022ko KPIa bermatzea, baita iaz izandako erosketa-galera ere.
Helburu hori lortzeko, ELAk aurrera eraman beharreko proposamen eta ekintzen berri emango du laster.