Hitzarmenaren aldeko lehen greba egunean erabateko lanuztea izan da

Gaur, urriak 2, Lodosako Egrin Alimentación enpresan orain arte deitutako bi grebetatik lehenengoa egin da. Deialdiak jarraipen masiboa izan du produkzio plantillaren aldetik, eta horrek produkzio jarduera erabat geldiaraztea ekarri du.

Entsaladillak eta prestatutako beste plater batzuk fabrikatzen dituen enpresak 55 langile inguru ditu, eta haien lan-baldintzak Landare Kontserben Estatuko Hitzarmenaren arabera arautzen dira.

Ekainean, enpresa batzordeak (ELAko 3 ordezkarik, CCOOko 1ek eta UGTko ordezkari 1ek osatuta), lan kargaren igoera, konpainiaren azken urteetako martxa ona eta lan baldintza eskasak kontuan hartuta, enpresa hitzarmen baten bidez baldintzak hobetzeko negoziazioak hastea proposatu zion Zuzendaritzari.

Batzordearen ustez, enpresak jasotzen dituen etekinak langileei ere banatzeko negoziazioaren bidez antolatzeko unea iritsi da. Aldarrikapenen artean, besteak beste, soldata hobekuntzak, lanaldi murrizketa, lan kargen erregulazioa eta lan istripuengatiko osagarriak daude.

Bilerak egin diren arren eta proposamenak trukatu diren arren, ezin izan da akordiorik lortu, soldaten arloko eta beste gai sozial batzuetako posizioen arteko distantziagatik.

Hasierako deialdiak bi greba egun aurreikusten ditu, urriaren 2an eta 3an. Hala ere, enpresak ezezkoari eutsiz gero, gatazkak aurrera jarraituko duela aurreikusten da, eta datozen egunetan mobilizazio gehiago iragarriko dira.