Iruñerriko hiri garraioa

TCCk oinarrizko hobekuntzak ukatzen dizkie villavesetako langileei

2025/10/10
TCCk oinarrizko hobekuntzak ukatzen dizkie villavesetako langileei
ELAk TCCko zuzendaritzaren blokeo jarrera salatu du, hitzarmen kolektiboaren negoziazioan plantillak planteatutako gutxieneko eta arrazoizko aldarrikapenak onartzeari uko egiten diolako.

Langileek egunez egun erakutsitako konpromisoa eta erantzukizuna gorabehera, enpresak baztertu egin ditu lan baldintza duinak eta lan antolaketa bidezkoagoa bermatzeko funtsezko neurriak.

TCCk ukatu dituen eskaera nagusien artean daude:

  1. Bajen tratamendua benetan hobetzea.

  2. Urteko lanaldia gehienez 215 egunera murriztea.

  3. Lanaldiak gehienez 9 ordukoa eta gutxienez 5 ordukoa izatea mugatzea.

  4. Lanaldietan atsedenaldiak arautzea.

  5. Atsedenen kadentzia berdina langile guztientzat: bi asteburutan lan egitea eta hurrengo bietan atseden hartzea, urte osoan zehar.

  6. Lanaldi osoko kontratazioa.

  7. Gaueko plusa, 10 €/ ordukoa, 22:00etatik 06:00etara.

  8. % 5,38ko soldata berreskuratzea.

  9. Hitzarmenaren idazketa hobetzea, letaginak eta anbiguotasunak kenduz.

Proposamen hauek ez dira gehiegizkoak, baizik eta beharrezkoak lana hobetzeko eta langileen osasuna eta kontziliazioa bermatzeko, eta horrek zerbitzu publikoaren hobekuntzan eragiten du. ELAk jarrera immobilista alde batera uzteko eta lan baldintzak benetan hobetzearen alde egiteko eskatu dio TCCri.