Urtebete eta 100 greba egun baino gehiago bete dituzte lan baldintzak eta osasun mentaleko zerbitzua hobetzeko

Elizondoko Benito Menni zentroko langileek, Fundación Hermanas Hospitalarias-ek kudeatua, urtebete daramate mobilizazioekin eta 100 greba egun baino gehiago egin dituzte zentroko hiru eraikinetako bat ixtearen ondorioz. Itxiera horrek kaleratzeak, baldintzen okertzea eta erabiltzaileei ematen zaien zerbitzuaren okertzea ekarri ditu. Egoera honek langileei ez ezik, eskaintzen den arreta kalitateari ere eragiten dio.

Gogoratu behar da zerbitzu publikoa dela, azpikontratatua, eta diru publikoz mantentzen dela. Nafarroako Gobernua da osasun mentaleko zerbitzuaren arduradun nagusia. Onartezina da Gobernuak enpresari onura pribatuak lehenesten uztea, zerbitzua, enplegua eta lan baldintzak kaltetzearen kontura.

Langileek benetako negoziazioa eskatzen dute beren baldintzak hobetuko dituen hitzarmen bat lortzeko: soldatak hobetuz, lanaldia murriztuz eta lan kargak gutxituz. Hobekuntzarik ez da izango Administrazioak ez baditu beharrezko baliabideak jartzen eta enpresari ez badio exijitzen erabiltzaileak eta zaintza lanetako profesionalak errespetatzen dituen arreta eredua bermatzeko.

Ez da hobekuntzarik posible Administrazioak enpresari baliabide egokiak eskatzen ez badizkio eta arreta eredu duin bat bermatzen ez bada, bai erabiltzaileentzat bai haiek artatzen dituzten profesionalentzat.

Aurrerapausorik ezaren eta bai enpresaren bai Nafarroako Gobernuaren jarreraren geldotasunaren aurrean, langileek 24 greba egun gehiago iragarri dituzte abenduaren 1etik 24ra bitartean, baita abenduaren 10ean Elizondotik abiatuko den eta abenduaren 12an Nafarroako Parlamentuaren aurrean amaituko den martxa bat ere.