Lehen greba eguna, Donostiako Santa Teresa, Larramendi eta Jesuitinen fusioan lanpostuak bermatu ditzaten eskatzeko

Donostiako Santa Teresa, Larramendi eta Jesuitinak itunpeko eskoletako langileen %50 inguruk bat egin dute ELAk eta CCOOk deitutako lehen greba egunarekin, euren lanpostuen defentsan. Izan ere, datorren ikasturtean, 2023-2024, hiru ikastetxeak fusionatu nahi dituzte, 0 eta 3 urte bitarteko ikasleen gelak bateratuz. Era berean, hurrengo bi ikasturteetan gainerako mailak bateratzea aurreikusten da. Horren ondorioz, ikasgelen kopurua murriztuko litzateke, hurrengo ikasturteetan ikasgela batzuk galduko lirateke eta zenbait lanpostu suntsituko lirateke. Enpresak, bere aldetik, ez du inongo planteamendurik egin lanpostuak eta lan baldintzak bermatzeko, eta horrek langileek kezka handitu besterik ez du egin.