EPE | 2025eko Bigarren Hezkuntza eta Lanbide Heziketa

EAEn irakasleen artean 13.000 behin-behineko (ordezko) daude lanean ikasturtez ikasturte sistematikoki. Sektore publiko osoan errepikatzen den behin-behinekotasun maila onartezin hau gure gobernuen erabaki politikoen ondorio da. Izan ere, plaza kopuru nahiko eskaini gabeko oposaketak deitu ditu urteetan zehar eta azken hamarkadan erreposizio tasen mugak ontzat eman ditu Estatuko aurrekontu legeei bere babesa eta bozka emanez.

Behin behinekotasuna mugatzeko Estatu espiniarrak onartutako 20/21 Legea ELAk ez nahikotzat jo zuen; hobekuntzarako tarte handia baitzuen. Hala ere, argi ikusi dugu Eusko Jaurlaritzak lege honek bere langile publikoak kontsolidatzeko ematen dizkion aukera guztiak ez probesteko erabakia hartu duela. Egonkortze prozesuen ondoren ere Eusko Jaurlaritzako esparru desberdinetan behin behinekotasn mailak %30tik gorakoa izaten jarraituko du. Arrazoi nagusia: Jaurlaritzaren erabakiz egonkortze prozesuetan eskaini den lanpostu kopuru urria.

Irakasleei dagokionez, behin behinekotasunak %30etik gorakoa izaten jarraituko du:

Behin-behinekotasun maila handiari, erosteko ahalmenaren % 20 inguruko galera gehitu behar zaio. Eta hori gutxi balitz, lan-kargak etengabe handitzen dira, gu guztion osasunari eraginez eta arriskuan jarriz.

Arrazoi horiengatik pasa den ikasturtean 5 greba egun egin genituen hezkuntza Publikoan (Greba feminista barne).

Grebak arrakastatsuak izan ziren eta uste dugu ditugun helburuak lortzeko bidean aurrerapauso txiki batzuk eman direla, eta hauek argi eta garbi mobilizazioen ondorio direla. Alde batetik, esparru desberdinetan mahai negoziatzaileak deituak izan dira. Adibidez bi mahai orokor deitu ditu Eusko jaurlaritzak. Eta bestetik EAJ eta PSOE ren inbestidura akordioa. Akordio horretan euskal langile publikoen enplegua berritzeko tasei eta soldata igoerei buruzko atal bat jasotzen da.

Gure borrokak hainbat fruitu eman baditu ere, borrokan jarraitu behar dugu. Enpleguari dagokionez, gure helburua da irakasleen artean behin behinekotasun erreala %8ra jaisteko salbuespenezko kontsolidazio prozesuak adostera behartzea Jaurlaritza. Eta berriro behin behinekotasuna ez handitzeko 2 urtero LEP adostuak deitzeko betebeharra har dezala.

Enpleguaren inguruko aldarrikapen honekin batera, eros-ahalmenaren berreskurapena, lan zamak arintzeko neurri zehatzak, gazte berritze plan eraginkorrak, lan osasuna bermatzeko neurriak eta euskalduntze eta berdintasun neurriak jasoko dituen hitzarmena lortu nahi dugu. Horregatik irakasleetan greba dinamika bat abian jartzea lortu dugu. Urtarrilean eta otsailean 4 greba egun adostu ditugu gainerako sindikatuekin.

Greba dinamika honetan jarraituko dugunok izango gara hau lortzeko giltzarria. 

EPE honetan eskaintzen den lanpostu kopuruarekin eta prozesuarekin gure aldarrikapenak ez dira betetzen enpleguari dagokionean.

Hala ere, hainbat afiliatuk horrela eskatuta, aurrekoetan egin dugun moduan, ELAren lokaletan ikastaroak antolatuko ditugu gure afiliatuentzat Programazioa eta Unitate Didaktikoak edo ikas egoerak eta baita ahozko defentsa eta kasu praktikoa prestatzen laguntzeko. Horretarako, MAD editorialarekin harremanetan jarri gara gai-zerrenda edo temarioak eskuratzeko afiliatuek erraztasunak eta %30eko beherapena izan dezazuen. 

1. Gaitegiak

Gaitegiak hemen eskatu

Kontsultatu hemen Bigarren Hezkuntza eta Lanbide Heziketako gaitegiak

2. Ikastaroak

Ikastaroetan izena eman

Laburpena:

Bigarren Hezkuntzako programazio didaktikoaren prestakuntzan laguntzeko ikastaroak antolatu ditugu Manu-Robles Arangiz Institutua Fundazioa eta UNEDekin batera Bilbo, Donosti eta Gasteizen.

Lekua: Bilbo (ELAren egoitza), Donostia (EASO politeknikoa) eta Gasteiz (ELAren egoitza)

Datak eta ordutegia:

1. txanda Gasteiz. Larunbat goizetan, 9:00etatik 14:00tara: 

• Urtarrilak 25
• Otsailak 8
• Otsailak 22
• Martxoak 22
• Apirilak 5

1.txanda Donostia. Larunbat goizetan, 9:00etatik 14:00tara

• Otsailak 8
• Otsaikak 15
• Otsailak 22
• Martxoak 1
• Martxoak 8

1. txanda Bilbo. Ostegun arratsaldeetan, 15.30etatik 20.30tara

• Otsailak 6
• Martxoak 6
• Martxoak 20
• Apirilak 3
• Maiatzak 8

Ikastaro bakoitzak 25 ordu presentzial izango ditu, norberaren lanaz gain (5 ordu).

• Ikastaroetan parte hartzen dutenei 30 orduko kreditu baliokidetza duen UNEDek ziurtaturiko agiria emango zaie. Ziurtagiria lortzeko gutxienez saioen %80an parte hartu beharko da eta beharrezkoa izango da lehen egunean bertan izatea.
• Ikastaroaren prezioa 60€ izango da pertsonako.
• Izena emateko azken eguna urtarrilaren 21a izango da (baina ikastaroak lehenago bete daitezke)

Izena emateko baldintzak:

• Afiliatua izatea.
• ELAren webgunean izena ematea.
• Ikastaroa hasi aurretik ordainketa egitea.

Zalantzak argitzeko edo informazio gehiago jasotzeko:

• Bilbo: Barrainkua, 13. Telefono zenbakia: 944 03 77 86.
• Donostia: Kontsulatua, 8.Telefono zenbakia: 943 00 50 21-943 00 50 22
• Gasteiz: Manuel Iradier, 25-behea.Telefono zenbakia: 945 15 43 66-945 15 43 56