EPE Euskotren 2019

Aurreikusten denez, Euskotrenen bi enplegu-deialdi egingo dira 2019ko abuztuaren ostean. Hori dela-eta, ELAn lanean ari gara proba horietara aurkeztu nahi duten gure afiliatuei informazio eta formaziorik onena eskaintzeko.

Enplegu-deialdiak bi kategoria hauetarako egingo dira: autobus-gidaria eta tren/tranbiako agente edo gidaria. Deialdi horien xedea lan-poltsak sortzea da, aldi baterako kontrataziorako eta kontratazio finkorako, eta poltsa osatzen denetik 4 urtez iraungo du indarrean.

Poltsa horretako kide izateko gutxienezko betekizunak hauek dira:

  • Europar Batasuneko estatukide bateko naziotasuna izatea, edo lanerako eta bizilekuko baimena izatea.

  • Euskotrenen aplikagarriak diren Gaitasun Psikofisikoen Arauak betetzea.

  • Gutxienez eskola-graduatuaren titulazioa edo horren baliokidea izatea.

  • Euskara: B2 maila (ahozkoa eta idatzizkoa). 

  • ** Titulaziorik eukiko ez bazenu, lan poltsan sartzeko aukera izango zenuke, beti ere, eskatzen den maila baduzula frogatzen baduzu horretarako ezarritako frogetan. Ezagutzarik izango ez bazenu, berriz, aplikazio hitzarmenak arautzen dituen lanpostuen kontratazio zerrendan mantentzeko aukera izango zenuke. Informazio gehiago ELAko delegatuekin. 
  • D motako gida-baimena indarrean izatea.

  • Gidarien Gaitasun Agiria (CAP), gidarientzako deialdian bakarrik.

Poltsa bakoitzaren behin-betiko oinarriak eta gaitegiak argitaratu bezain laster, ELA-Euskotren Atal Sindikalean hasiko gara argibideak ematen eta prestakuntza-ikastaroak eskaintzen lurralde guztietan, gure afiliatuek ikas-materiala hobeto ulertu dezaten, eta erraztasun handiagoak izan ditzaten (garaiz adieraziko ditugu tokiak, datak eta orduak).

ELAtik garaiz iragarriko ditugu hainbat bidetatik pertsonala hautatzeko prozesu horren denborak eta epeak: deialdiaren oinarriak argitaratzea, parte hartzeko eskariak aurkeztea, gainditu beharreko probak, eta antolatuko ditugun prestakuntza-saioak.

Argibide gehiago nahi izanez gero, edo zalantzaren bat argitu nahi izanez gero, idatzi dezakezu posta elektronikoaren helbide honetara: euskotrenlanpoltsa2019@ela.eus edo jarri harremanetan gurekin nahi duzun moduan.

AFILIATE A ELA – AFILIA ZAITEZ

Jarraian aukera duzu honakoak egiteko: ikastaroetan izena eman 

Ikastaroak

Lekua: Bilbo, Gasteiz eta Donostiako ELA egoitzak 

Datak eta ordutegia:

  • Iraila-Urria.

Ikastaro bakoitzak 10 ordu presentzial izango ditu.

  • Ikastaroetan parte hartzen dutenei orduko kreditu baliokidetza duen UNEDek ziurtaturiko agiria emango zaie. Ziurtagiria lortzeko gutxienez saioen %80an parte hartu beharko da eta beharrezkoa izango da lehen egunean bertan izatea.
  • Ikastaroa doakoa da. 
  • Izen-emate epea: 2019-07-16tik 2019-08-31ra.

Izena emateko baldintzak:

  • Afiliatua izatea.
  • ELAren web orrian izena ematea.

Zalantzak argitzeko edo informazio gehiagorako:

Bilbo: Barrainkua, 13.

Emailez: euskotrenlanpoltsa2019@ela.eus

**** Telefonoz deitu nahi izanez gero, jarraian Euskotreneko zentralitako zenbakia aurkituko duzu, behin horra deituta, ELArekin harremanetan jarri nahi duzula esan behar diezu:

944 01 99 00