Elkarretaratzea deitu dute Urdulizen, Metro Bilbaoko langile baten aurkako erasoa salatzeko
Metro Bilbaoko enpresa batzordeak elkarretaratzea deitu du uztailaren 22rako, Urdulizen (Bizkaia), metroko langile baten aurkako erasoa salatzeko. Erasoa uztailaren 17an gertatu zen, Bizkaiko udalerriko metro geltokian. Batzordeak ziurtatu du langileek etengabeko irainak eta eraso fisikoak jasaten dituztela. Azpimarratu dute ez dutela horrelakorik onartuko, eta langileen eta erabiltzaileen segurtasuna bermatzeko neurriak eskatu dizkiote Metro Bilbaori.
Erasoa gaitzesteko elkarretaratzea uztailaren 22an izango da, 11:00etan, Urdulizko geltokian.