M8| Bizitzaren lehen lerroan ¡Esencialmente vivas!

2021/03/03

2021eko martxoaren 8a heltzear da. COVID-19ak sortutako pandemia gure bizitzetan sartu zenetik urtebetera, emakume langileok (soldatapekoak eta soldatarik gabekoak) argi eta garbi salatzen dugu erakundeek bertan behera utzi gaituzten arren, eta gure bizitzak eta gorputzak gure lanen zerbitzura jarri izan ditugun arren, bizirik eta indartsu jarraitzen dugula! Funtsezkoak gara lanean, eta batez ere bizitzan!

Hala, urtero bezala, eta aurten are gehiago, ELAtik lehen borroka-lerroan egon diren eta dauden emakume langile horiek guztiak omendu nahi ditugu: egoitzetako langileak; etxeko eta zaintzako langileak; garbitzaileak; osasun-langileak; hezkuntza-komunitatea; etxez etxeko laguntza-zerbitzuko langileak; teleoperadoreak; merkataritzako, elikadurako eta ostalaritzako langileak... Zerrendak ez du amaierarik.

Beraientzat gure txalo guztiak!

ELAk martxoaren 8an elkarretaratze desberdinak egingo ditu Euskal Autonomi Erkidegoko hiriburuetako Aldundien aurrean goizeko 10:30tan. Nafarroan, Iruñean, talde argazki kolektiboa aterako da sindikatuan goiz horretan bertan.

Bestalde, Euskal Herriko Mugimendu Feministak ondorengo manifestazioak deitu ditu:

Donostia. 18:30ean Antiguoko tuneletik.
Gasteiz. 19:00etan San Anton plazatik.
Baiona. 12:00etan Ospitaletik.
Bilbo. 19:00etan Jesusen bihotzetik.
Iruñea. 19:00 eta 20:00etan auzo eta herrietan mobilizazioak.

GORA ELA FEMINISTA!