Zaintzak antolatzeko dauden oztopo eta premien inguruan hausnartu du ELAk, Madrilen

Leire Gallegok eta Nahia Fernandezek, ELAko genero arloko kideek, parte hartu dute `Fierce-Una mirada interseccional a los cuidados: Iniciativas y propuestas de acción´ izeneko jardunaldietan, Madrilen. Complutense Unibertsitateko ikertzaileek datozen hilabeteetan antolatuko dituzten hiru jardunaldietako lehena izango da. Ekainaren 22ean egin diren jardunaldietan, Espainiako eta Euskal Herriko eragile, gizarte-mugimendu eta erakundeek parte hartu dute, hala nola etxeko langileen kolektiboak, dibertsitate funtzionala duten pertsonek, LGTBIQ+ (SEDOAC, Etxeko Lurraldea, UJRC, Acufade, etab.). Bilera horietan, zaintzak antolatzeko orduan dauden oztopoen inguruan eztabaidatu da eta alternatibak planteatu dira.