GIPUZKOAKO GURUTZE GORRIA
Arabako Esku-hartze Sozialaren hitzarmeneko soldatak eta lan orduak aplikatzeko eskatu dute
2020ko abenduaren 31tik aurrerako aurreraeragineko hitzarmenarekin, enpresak ez du inolako soldata-hobekuntzarik negoziatu nahi, ezta urteko orduak jaitsi ere. Gauzak horrela, enpresa-batzordeak urtebete luzatu den auzibidea ireki behar izan du. 2022ko abenduaren 13an epaiketa egin zen Euskal Autonomia Erkidegoko Auzitegi Nagusian, eta 2023ko urtarrilaren 9an langileen aldeko epaia jakinarazi zen.
Horrek guztiak langileriak higatu ditu, soldata askoz txikiagoa eta urteko ordu gehiago baitituzte: 7.000 euro inguru gutxiago soldatan eta 89 ordu gehiago plantillako talde nagusian. Gainera, pandemia garaian lan gehiago egin duten arren, gero eta lan gehiago eskatzen zaie, baina eskubide gehiago ukatzen zaizkie.
Hala, salatu dute sistematikoki ukatzen dituztela telelanaren eskaerak, pandemia garaian enpresaren beraren planteamendua izan bazen ere; uko egin diote administrazioek jada kobratzen duten KPIa igotzeari; ez dira betetzen plantillaren egoera prekariotik eratorritako baja asko; ez zaie erantzuten sindikatuaren planteamenduei...
Langileen prekaritatea beste hainbat arlotan islatzen da, hala nola Lanbide arteko Gutxieneko Soldataren igoeran. Izan ere, langile askoren soldata Lanbide arteko Gutxieneko Soldata baino baxuagoa da.