EUSKAL POLIZIAREN LEGEA

ELA ez dago ados Udaltzaingoari su-armak ezartzen dizkion Dekretuarekin

2024/03/07
Eusko Jaurlaritzak onartu du EAEko udaltzaingoen armamentua eta beste baliabide tekniko batzuk arautzeko eta haiek defendatzeko eta hornitzeko dekretua. Udaltzaingoei su-arma ezartzen dien Dekretu hori Euskal Poliziaren Legearen bosgarren aldaketan jasotakoaren garapena da, eta Gobernu Taldearen (EAJ-PSOE) eta PPren aldeko botoekin atera zen aurrera. Dekretu horrek udal-eremuko autonomian sartzea dakar, eta ELAk errefusatu zuen Poliziaren Legean ezarritakoa garatzen du

ELA lege horren aurka agertu zen; izan ere, ELAk defendatzen duen polizia-ereduaren aurka joateaz gain, ez zen sindikatuen ordezkariekin eztabaidatu eta negoziatu,eta ez zekarren aurrerapausorik, besteak beste, ratioei eta lan-baldintzei dagokienez, eta udaltzaingoaren behin-behinekotasunari atea irekitzen zion.

Dekretu horren aurka bozkatu zuen ELAk Udaltzaingoaren Koordinazio Batzordean. Izan ere, dekretuaren zirriborroa bilera baino bi egun lehenago jasotzeaz gain, armei ematen dio lehentasun osoa , eta ez du inolako hobekuntzarik ekartzen ez ratiotan, ez formazioan eta ezta udaltzaingoen etengabeko birziklatzearen inguruan ere.

Azkenik, ELAk salatu nahi du polizien lan-baldintzak gero eta okerragoak direla, langile falta orokorra dela, erakunde batzuetan kezkagarria guztiz. Ratioak ez dira nahikoak , behin-behinekotasun tasa % 30 ingurukoa da eta horrekin batera errotazioa, prestakuntza falta eta plantillak birziklatzeko borondate eza nabarmena dela, horrek ondorioak dituelarik udaltzainen osasunean eta herritarrei eskaini behar zaien zerbitzuan.