Koronabirusaren osasun krisi betean, Maiz Anbulantziak enpresa esleipendunak langile eta pazienteen osasuna arriskuan jartzen duela salatu du ELAk

2020/04/17
Justizia Auzitegi Nagusiaren aginduaren zain egon gabe, lan txanda bakoitza bukatzean laneko arropa garbitu eta desinfektatzen hastea exijitu dio ELAk enpresari, Koronabirusa kutsatu eta birusa zabaldu ez dadin. Era berean, Eusko Jaurlaritzari eta Osakidetzari, egoera horren azken arduradunei, salatutako egoerari berehalako irtenbidea ematea eskatu die sindikatuak, "Egungo osasun krisi larriaren erdian enpresa honen zigorgabetasunarekin behingoz bukatzeko". Euskal Autonomia Erkidegoko Auzitegi Nagusiak arrazoia eman dio jada ELAri, Ambuiberica esleipendunaren aurka Oinarrizko Eskubideen Tutoretzak aurkeztutako demandaren aurrean. Horrela, enpresak beharrezko babes-neurriak eman beharko dizkio langile bakoitzari, eta neurri horiek guztiak nahitaez bete beharko dituzte sektoreko gainerako enpresek.

Arabako probintziako premiazko osasun-garraioan ELAk duen ordezkaritza sindikalak Anbulancias Maiz adjudikaziodunaren praktika arriskutsuak salatu ditu. Jardunbide horiek, koronabirusak eragindako osasun-krisi betean, arrisku larrian jartzen dituzte bai langileen osasuna, baita anbulantzietan garraiatzen duten pertsonena ere. Salatu dute enpresa honek ez duela bermatzen behar diren gutxieneko bermeekin zerbitzua emateko norbera babesteko ekipamendu egokiak izatea, ez diola Batzordeari jakinarazten laneko arropa agente biologikoekin kutsatzen den kasuetarako ezarritako prozedura (hitzarmenak berak behartzen duen bezala), eta ez duela bere gain hartzen laneko arropa garbitzea Ikuskaritzaren ebazpenek ezartzen duten moduan.

Euskal Autonomia Erkidegoko Justizia Auzitegi Nagusiak 2020ko apirilaren 15ean ezarritako kautelazko neurriek baietsi egiten dute, ondore horietarako, ELAk Ambuiberica esleipendunaren aurka aurkeztutako Oinarrizko Eskubideen Tutoretzaren demanda, eta ezartzen dute 24 orduko epean enpresak honako hauek eman beharko dizkiola langile bakoitzari: maskarak; mantal iragazgaitzak; erabili eta botatzeko eskularruak; eta begi-babeserako betaurrekoak, muntaketa integralekoak eta gelakoak. Eta neurri horiek guztiak, azpimarratu du ELAk, nahitaez bete beharko dituzte sektoreko gainerako enpresek ere.

Hala, ELAk eskatzen du, Justizia Auzitegi Nagusiak noiz agindu zain egon gabe, uniformea garbitzeari eta desinfektatzeari ekin diezaiola guardia bakoitza amaitzean, arropa arrisku biologiko gisa tratatu behar baita uneoro, kutsatuta egon daitezkeen pazienteak uneoro lekualdatu behar direlako. Era berean, Eusko Jaurlaritzari eta Osakidetzari, egoera horren azken arduradunei, salatutako egoerari berehalako irtenbidea emateko eskatu die, "Egungo osasun krisian enpresa honen zigorgabetasunari behingoz amaiera emateko".

Laneko arropa garbitzeari eta deskontaminatzeari dagokionez, epe berean ezarri beharko da laneko arropa erabiltzeko, biltzeko, garbitzeko, deskontaminatzeko eta, hala badagokio, suntsitzeko sistema bat, COVID-19ko agente biologikoen eraginpean dagoena. Enpresak berak eman eta suntsitu behar du arropa hori, eta, horretarako, agente biologikoak desinfektatzen espezializatutako enpresa homologatu batera jo beharko du. Erreferentziazko infekzioarekin lotutako lan-egoerei buruzko informazio eguneratua eman beharko zaie langileen legezko ordezkariei.