ELA, LAB, STEILAS, UGT eta CCOOek EAEko gizarte ekimeneko ikastetxetan urriaren 9 eta 10erako deitutako greba erregistratu dute

2018/09/26

ELA, LAB, STEILAS, UGT eta CCOOek EAEko gizarte ekimeneko ikastetxetan urriaren 9 eta 10erako deitutako greba erregistratu dute Eusko Jaurlaritzan. Gobernuak Bilbon duen egoitzan egin dute, eta bertan, sektoreko patronal Kristau Eskola eta AICE-IZEIren negoziatzeko borondate eza salatu dute. Izan ere, sektore honetako langileek ia 10 urte daramatzate hitzarmena berritu gabe eta erosahalmenean galera handiarekin (%10). Gauzak horrela ere, pedagogiaren modernizazioan, digitalizazioan eta hezkuntzako berrikuntzan sakontzen jarraitu dute, betiere, langileen lepotik; euren lan-kargak handituz, hauek jananezinak izateraino.

Jarraian, hitzarmena berritzeko aldarrikapen nagusiak:

Enplegua:

Akordio bat, enpleguari eusteko eta gelak balizko ixtearen eraginpeko pertsonala birkokatzeko.

Soldatak:

Eroste-ahalmena berreskuratzea.

1-DBHko eta 2-DBHko irakasleen soldatak parekatzea.

Lanaldia eta lan-kargak:

Irakasleen kasuan, ordu osagarriak erreserbatzea eskolak prestatzeko eta ikasleen jarraipena egiteko, zein urtean dedikazio ez presentzialeko 70 orduren aitortza.

Administrazio eta Zerbitzuetako pertsonalarentzat, lanaldia murriztea.

Lanbide Heziketa:

Lanaldiaren banaketa adostea.

Bereziki prekarizatuen eta feminizatuen dauden kidegoen lan-baldintzak hobetzea.

Hezkuntza-laguntzako espezialistak:

Haien lana irakaskuntza-izaerakotzat hartzea, ordu osagarriak ematea lana prestatzeko eta ikasleen jarraipena egiteko, lanaldia modu erregularrean banatzea irailaren 1etik ekainaren 30era arte...

Haur-hezkuntzako lehen zikloko pertsonala:

Haien lana irakaskuntza-izaerakotzat hartzea, lanaldia murriztea, ordu osagarriak ematea lana prestatzeko eta ikasleen jarraipena egiteko.