Hezkuntza publikoaren defentsan kalera atera gara milaka langile.

Gaurko manifestazioan Gasteizko kaleak gure aldarrikapenez bete ditugu, eta hezkuntza publikoaren defentsan milaka langile bildu gara: hezitzaileak, irakasleak, sukaldariak, haurreskoletako langileak eta garbitzaileak. Eusko Jaurlaritzari argi utzi diogu proposamenik ezean mobilizazioekin jarraituko dugula. Bihar, martxoaren 15a, Bilbo, Gasteiz eta Donostiako kaleak beteko ditugu, eta gure aldarrikapenak lau haizetara zabalduko ditugu, kalitatezko hezkuntza publikoaren defentsan eta lan baldintzak hobetzearen alde.