Nafarroako Hezkuntza arloko Lan Eskaintza Publikoa iruzurra da

2016/02/10
ELA, LAB eta STEILAS sindikatuek aldaketaren aldeko apustua egiten dute eta Hezkuntza Departamentuari eskatzen diote hemendik aurrerako negoziaketak ez daitezela iruzurretan oinarritu. Zerrenda bakarraren aldeko aldarrikapenarekin jarraituko dute, urratutako eskubidea bertan behera gelditu arte.

Gaur Nafar Gobernuak LEPari buruzko azken hitza eman du. LAB-ek, STEILAS-ek eta ELAk hurrengoa adierazi nahi dugu:

- Onartutako LEP hau gehiengo sindikalaren aurkakoa da, euskarazko 120 plaza gutxiago onartu direlako eta zerrenda bakarra kontutan hartu ez delako.

- LEP honen kudeaketa eskasa izan da, denboran gehiegi luzatutakoa eta negoziazio mahaietatik at adostutakoa.

- Irakasleen ezinegona eta haserrea adierazteko 3 egunetako kontzentrazioak burutu ditugu. LEP IRUZURRA. ALDAKETARI BAI leloarekin.

- Zerrenda bakarra ez onartzeak Apartheid linguistikoaren jarraitzea suposatzen du, UPNren lekukoa hartuz.

- Uxue Barkosen Gobernuak egin zezaken biderik okerrena hautatu du, gehiengo sindikala baztertuz eta erregimenaren lagun izan diren bidaikideak hautatuz.

- LAB, STEILAS eta ELA sindikatuok aldaketaren aldeko apustua egiten dugu eta Hezkuntza Departamentuari eskatzen dio hemendik aurrerako negoziaketak ez daitezela iruzurretan oinarritu.

- Zerrenda bakarraren aldeko aldarrikapenarekin jarraituko dugu, urratutako eskubidea bertan behera gelditu arte.