Multinazionala labea itzaltzen ari da, enpresa itxierara eramanez

2025eko urtarrilaren 29an, 12:30h inguruan, Guardianeko zuzendaritzak, Enpresa Batzordeak eta Eusko Jaurlaritzako teknikariek ordubete baino gehiagoko bilera egin ondoren, multinazionalak labea itzaltzeko erabakia hartu du, beira labe barruan zuela. Eusko Jaurlaritzako teknikariek ez dute eragotzi neurri hori hartzea, nahiz eta labearen alferrikakotasuna eragiten duen, eta Guardian Llodio ixtea probokatuko duen

Urtarrilaren 28an, Eusko Jaurlaritzaren eta Guardianen bileraren ondoren, Industria Sailak adierazi zuen itzalaldi "kontrolatu" bat eramango zuela. Gaur gertatu denak ez du kontrolik izan. Goizeko 8etan, teknikariak instalazioetara iritsi gabe ere, zuzendaritzak labea itzaltzeko agindua eman du. Erabaki hori bertan behera geratu da, enpresa batzordeak kontra egin diolako. Hasiera horrekin, eta goizaldetik enpresaren instalazioetara sartu diren kanpoko langileak labea itzaltzeko, bistan zen prozesuak ez zuela zerikusirik kontrolatutako prozesu batekin. Prozesu erabat irregularra izaten ari da.

Benetan gertatu dena fartsa bat da. Izan ere, enpresa, Gobernuaren laguntzarekin, labea itzaltzen ari da, itzalketa hori baliozkotzen duen txostenik aurkeztu gabe; azken aste hauetan Komiteari alegatzen dituzten matxurei buruzko ezer jakinarazi gabe; betiere iragarri duten ERE prozesu baten aurretik, zein gaurko erabakia eta gero EREa erabat akastuta geratzen da. ELAk uste du, baita ere, labea itzaltzea greba eskubidearen aurkako erasoa izan daitekeela. Greba, azkenean, bertan behera geratu da edukirik gabe utzi dutelako labearen itzaltzearekin.

Pradales lehendakariak, gaur bertan Bruselatik, "Guardianeko langileei babesa" ematen diela adierazi du. Bada, bere Gobernuak justu kontrakoa egin du. Sinesgarritasun osoa eman dio Guardian bezalako multinazional bati, lehenago, iruzurrez, Glavista, enpresa fantasma baten bidez ixteaz arduratu baitzen. Hirugarren inbertitzaile posibleei buruz orain aipatzen ari diren guztia "kezko gortina" soil bat da, Guardian Llodio enpresaren itxierari emandako babesa justifikatzeko. ELAk oso larritzat jotzen du jarduera hori.

Nolanahi ere, ELAk babes osoa ematen dio Guardianeko langileei, eta enpleguaren defentsan egingo diren mobilizazio guztiak babesten ditu, ostiral arratsaldean Laudion egingo den manifestazioarekin hasita.