6 egunetan lanuzteak eta mobilizazioak deitu dituzte Acciona Medioambiente lorategiak mantentzeko Iruñeko Udalaren azpikontratan

Acciona Medioambiente enpresako langileek elkarretaratzea egin dute Iruñeko udaletxearen aurrean, deitutako 6 lanuzteetako lehen egunean. Enpresa horrek 45 langile ditu, eta Iruñeko Udalak azpikontratatua du hiriko lorategiak mantentzeko.

ELAko 3 ordezkarik eta LABeko 2 ordezkarik osatutako batzordeak lanuzteak deitu ditu, gaurkoaz gain, apirilaren 27 eta 29rako eta maiatzaren 3, 5 eta 6rako, lan-baldintzak hobetzeko enpresa-hitzarmen bat negoziatzea eskatzeko.

Gaur egun, langileek 1.000 euro garbi inguruko soldatak dituzte, eta behin-behinekotasuna izugarria da. Soldata handitzea, lanaldia murriztea, behin-behinekotasuna murriztea eta bajak osatzea dira eskaera nagusienak.

Gainera, Acciona Medioambientek azpikontratazio-agirian jasotako baldintzak betetzea eskatzen du plantillak, gaur egun kontratatutakoak baino baliabide gutxiago bideratzen baititu lorategiak mantentzera (materialak eta pertsonalak), eta, gainera, ez baititu kontratatutako lanbide-kategoriak betetzen. Egoera horren aurrean, Iruñeko Udalak azpikontratatutako zerbitzuaren gainean duen kontrol falta ere salatzen dute.