Irurtzungo Puertas Dile enpresa greban dago lan-baldintzak hobetzeko

Gaur goizean, Irurtzungo Puertas Dile enpresako langileek aste honetan (abenduak 9, 10 eta 11) egingo dituzten hiru greba-egunetako lehena hasi dute,  besteak beste, lan-osasuna eta langileen soldata-baldintzak hobetzeko. Grebaren jarraipena erabatekoa izaten ari da, eta azken urteetan irabaziak aitortu dituen enpresa bati eskatzen ari zaizkion hobekuntzak islatuko dituen ituna lortzeko asmoan irmo agertu dira langileak.

Puertas Dile Leroy Merlinentzat ateak egiten aritzen da, eta aplikatzeko hitzarmena Nafarroako zurarena da. Enpresa horretan 45 pertsonak egiten dute lan eta hiru ordezkariak ELA sindikatukoak dira. Hauteskunde sindikalak duela bi hilabete baino ez ziren egin, eta, denbora horretan, langileen ordezkariak enpresako zuzendaritzarekin zenbait hobekuntza adosten saiatu dira, hala nola laneko osasuna eta langileen soldata-baldintzak.