LABek, Steilasek eta ELAk benetako negoziazioa eskatu diote Haurreskolak Partzuergoari eta Hezkuntza Saila bertan egotea ezinbestekotzat jo dute

2020/10/28
LABek, Steilasek eta ELAk benetako negoziazioa eskatu diote Haurreskolak Partzuergoari eta Hezkuntza Saila bertan egotea ezinbestekotzat jo dute
Haurreskolak Partzuergoko Zuzendaritza Batzordea dela eta, Zorione Etxezarraga eta Jokin Bildarratz Haurreskolak Partzuergoko gerenteari eta lehendakariari, hurrenez hurren, benetako negoziazioari ekiteko eskatu diete, honako neurri hauek adosteko: Haurreskoletako langileei eta hezkuntza-proiektuaren bilakaerari eragiten dieten alde bakarreko neurriak berehala indargabetzea (langileak ikastetxe batetik bestera lekualdatzea eta hura gauzatzea); Hezkuntza Sailaren ordezkaria egotea Haurreskolen negoziazio-mahaietan; eta lan-hitzarmena eta Partzuergoaren beste araudi batzuk betetzea. Neurri horiek adostu ezean, EAEko hiru hiriburuetan hurrengo asterako aurreikusitako mobilizazioei eutsiko dietela esan dute, baita mobilizazio kopurua indartuko dutela ere.

LABek, Steilasek eta ELAk Haurreskolak Partzuergoari leporatu diote benetako negoziazioa ez hastea eta langileak desmobilizatzen saiatzea. LABek, Steilasek eta ELAk salatu dutenez, nahiz eta ikasturtea hasi zenetik eskatu, oraindik ez dute negoziazio-mahairik deitu haurreskoletan. Gaineratu dutenez, Partzuergoa langileen mobilizazioa saihesten saiatzen ari da, bilerak deituz, negoziazio-mahai bat balitz bezala, bertan Hezkuntza Saileko ordezkaririk ez izateko gero, atzo Haurreskolak Partzuergoko kudeatzaile Zorione Etxezarragak deitutako bileran gertatu zen bezala.

Sindikatuek benetako negoziazioa abian jartzea eskatzen dute, eta, horretarako, ezinbesteko baldintzatzat jotzen dute Hezkuntza Saila bertan egotea. "Ez dago aitzakiarik denbora galtzen jarraitzeko. Gerenteak ikasturte honetan hartutako aldebakarreko erabakiek arriskuan jartzen dituzte langileen eskubideak eta Haurreskolen hezkuntza-proiektua bera, eta, horregatik, premiazkoa da negoziazio bat abian jartzea lankideen lan- eta lanbide-etorkizunari benetan eragiten dioten gaiei buruz ", azpimarratu dute.

Gogorarazi dute irailaren 8tik, Jokin Bildarratzek Hezkuntzako sailburuaren ardura hartu zuenetik, oraindik ez zaiela jakinarazi Haurreskolak Partzuergoko negoziazio-mahaietan Hezkuntza Sailaren ordezkaria nor izango den. "Lotsagarria iruditzen zaigu Eusko Jaurlaritzak Haurreskolak Partzuergoarekiko erakusten duen arduragabekeria", azaldu dute.

Gauzak horrela, Partzuergoko Zuzendaritza Batzordea egin dela aprobetxatuz, Zorione Etxezarraga eta Jokin Bildarratz, Haurreskolak Partzuergoko gerenteari eta lehendakariari, hurrenez hurren, benetako negoziazioari ekiteko eskatu diete, honako neurri hauek adosteko: Haurreskoletako langileei eta hezkuntza-proiektuaren bilakaerari eragiten dieten alde bakarreko neurriak berehala indargabetzea (langileak zentro batetik bestera lekualdatzea). Hezkuntza Sailaren ordezkari batek Haurreskolen negoziazio-mahaietan parte hartzea; eta lan-hitzarmena eta Partzuergoaren beste araudi batzuk betetzea.

Hala egin ezean, hurrengo asterako EAEko hiru hiriburuetan aurreikusitako mobilizazioei eutsiko dietela esan dute, eta mobilizazio kopurua indartuko dutela ere.