Langileen erdiak baino gehiagok bat egin du grebarekin

Leioako Irlandesas ikastetxeko langileek greba egin dute 2024ko otsailean sinatutako greba amaierako akordioa bete dadila eskatzeko eta eskola-ordu bat murrizteko eskatzeko. Salatu dutenez, konpromiso hori oraindik ez da aplikatu, 25-26 ikasturte hasieratik aplikatzen hasita egon behar zen arren.
Zentroko langileek salatu dute, lortutako akordiotik bi urtera, zuzendaritzak ez duela ezarri itundutako irakastorduen murrizketa. Langileek gogorarazi dute neurri hori guztiz bideragarria dela, sektoreko ikastetxeen %10 inguruk inolako arazorik gabe aplikatzen duelako jada. Gainera, ikastetxeak araudiak nahitaezko etapa guztietan eskatzen dituenak baino eskola-ordu gehiago ematen dituela azpimarratu dute, beraz neurria erraz aplika daiteke eskeintzen diren eskola orduak jasotzen den finantzaketara egokituz.
Leioako Irlandesas ikastetxeko langileek greba egun hau deitzea erabaki dute, 2024ko akordioak bete gabe jarraitzen duela egiaztatu ondoren. Aldarrikapen nagusien artean, honako hauek nabarmentzen dira:
    • 2024ko akordioa osorik betetzea, batez ere barne-antolamenduaren eta lan-baldintzen arloan.
    • Eskola-ordu bat murriztea, itundutako neurria eta bideragarria, eskeintzen den eskola ordu kopurua jasotzen den finantzaketara egokituz. Eta ikasturte honetan ez aplikatu izanagatik demoragatiko konpentsazio bat.
    • Lan-gainkarga arintzea, hezkuntza-kalitateari eta langileen ongizateari eragiten baitio.
Langileen ordezkari batek honako hau adierazi du:
"Ez dago arrazoirik irakastordubeteko murrizketa ez aplikatzeko. Ikastetxeak derrigorrezkoak baino ordu gehiago eskaintzen ditu, beraz, borondate kontua da, ez baliabide kontua. 2024an sinatutakoa betetzea besterik ez dugu eskatzen ".
Langileek ohartarazi dutenez, greba egun horren ostean aurrerapausorik ematen ez bada, ez dute baztertzen mobilizazio gehiago egitea.
Enpresa-batzordea azken unera arte negoziatzen saiatu da datorren ikasturteari begira Grebaren Amaiera Akordioaren (2024ko otsaila) aplikazioari buruz ikastetxeak duen konpromisoa lortzeko, baina Batzorde horretako ELAko kideen hitzetan, "grebaren bidearekin jarraitzea beste erremediorik ez dugu izan".