Albisteak

Hamaseigarren aldiz bildu da Bizkaiko metalgintzako negoziazio-mahaia. Otsailaren 14an ospatutako batzarrean patronalak berriz utzi du agerian ez duela borondaterik negoziazioak aurrera egin dezan.

Bertan behera geratu dela Bizkaiko dendetan -Mungian izan ezik- deituta zegoen laugarren greba eguna, enpresa-batzordeak zuzendaritzarekin aurreakordioa lortu eta gero. Aurre akordioan jasota geratu denez, bajak sektoreko batez bestekoa bermatu arte osatuko dira, eta aldi baterako langileak kontratatuko dituzte 2018an eta 2019an emandako eszedentziak -senideak edota seme-alabak zaintzeko- osatzeko, besteak beste.

ELA, LAB, UGT eta USO sindikatuetako ordezkariak Emakunderengana jo dute, alde batetik, Bizkaiko Etxez Etxeko Laguntza Zerbitzuko analisi bat egin dezan eskatzeko; eta bestetik, lan sektore feminizatu eta prekarizatu honetan urteetan zehar irauten duen arazoari aurre egiteko konpromisoak eskatzeko. Bilera ospatzen ari zen bitartean, langileek Emakunderen egoitzaren atarian elkarretaratzea egin dute.

Bizkaiko metalgintzako patronalak berriro proposamen oso kaskarrak mahairatu zituen urtarrilaren 15ean izandako bileran, zeintzuk ez dituzten jasotzen plataforma sindikaletako aldarrikapenak eta ez daukaten aplikatzeko benetako bermerik.

Bizkaiko Etxez Etxeko langileek Emakunderi zuzendutako gutuna erregistratu dute Eusko Jaurlaritzak Bilbon duen delegaritzan, emakumeak nagusi diren eta greban jarraitzen duen sektore prekarizatu honetan esku hartu dezan. Gutunean sektorearen egoera azaltzeaz batera, inplikazioa eskatu diote, bilera bat egiteko eskaria luzatzearekin batera. Mahai gainean jarri nahi izan dute sektore feminizatu bat dela hau, zaintza lanetaz arduratzen dena eta prekarizatua. Erakundeei esan nahi izan diete kolektibo honen lan baldintzen hobekuntza ezinbestekoa dela berdintasun erreal eta efektiboa lortzeko.

Abenduaren 24an greba deialdi berriari ekin ziotenetik Bizkaiko Etxez Etxeko langileen hirugarren greba egun arrakastatsua izan da. ELA, LAB eta UGTk deituta, grebak jarraipen zabala izan du, langileen grebarako eskubidea murrizteko ahaleginak handiak izan badira ere.

Hogeigarrengo aldiz Bizkaiko Bulego eta Langelen Hitzarmena negoziatzen duen mahaia bildu da. CEBEKek egin zuen deialdia, ustez proposamenen bat ekartzekoa baitzen ELAk greba hasi aurretik aurkeztu zuen plataformari erantzuteko. Haatik, CEBEKek ez du inolako proposamen konkreturik egin. Areago, patronalak adierazi du bere asmoa dela “estatuko hitzarmena Bizkaiko probintzialera ekartzea”. Negoziatzen jarraitzeko beste bilera bat egiteko aukera aipatu ere ez du egin.

ELAk irmo salatu nahi du Correos enpresarentzat lanean ari zen beste langile baten heriotza. 46 urteko F.M.B. behargina lan istripuan hil da, lanean ari zela, bere motorrak autobus batekin aurrez aurre talka egin duenean. Azpimarratzekoa da bi hilabeteko aldi baterako kontratua zuela langileak, alegia, Correosen lanean hasi berri zela, zehazki, azaroaren 20an.

Bizkaiko Bulego eta Langeletako sektorean deituta dagoen grebaren lehen eguna izan da abenduaren 12a. Lantokiak hain atomizatuta dauden arloan datuak biltzea zaila den arren, ziurtatu dezakegu grebak jarraipen handiz izan duela, baita ELAk beste sindikatu batzurekin deitu izan dituen grebetan baino handiagoa ere. Oraingoan beste sindikatuek uko egin diote grebari, eta ELAk, sektorean nagusi delarik, bakarrik deitu du.

CEBEk patronalak bere jarrera aldatu ezean, datorren abenduaren 12an Bizkaiko bulegoetako greba hasiko da. Kontuan hartu behar da grebarako eskubidea eta zerbitzu minimoak izateko eskubidea bateratzea bereziki konplexua dela sektore honetan, alegia, ondo ezagutu behar dela sektore hau gutxieneko zerbitzu egokiak ezartzeko. Izan ere, bulego eta langeletako lana kasu askotan ezezaguna bada ere, egunerokotasunean pertsona askok egiten dituzten lanekin estuki lotuta dago, hortaz, bereziki garrantzitsua da greba hasi aurretik batzordearekin biltzea gutxieneko zerbitzuak modu egokian ezartzeko. Eusko Jaurlaritzak, ordea, ez du bildu nahi.

ELAk Bizkaiko metalgintzako FVEM patronalari kargu hartu dio ez daukalako borondaterik lan-hitzarmen duina eta aplikatzeko bermea izango duena sinatzeko.

Azaroaren 27an, CCOO, LAB eta UGT sindikatuek akordioa sinatu zuten Gizardatz eta Geroan Eskuhartze Sozialeko patronalekin. Sinatutako akordioak ez die erantzuten azken bi urte luzeotan sektoreak aldarrikatu izan dituen beharrei. Akordioa indarrean dagoen bitartean, sinatzaileek bake soziala bermatzen dute.

Erabateko arrakasta izan du Bizkaiko etxez etxeko zerbitzuan azarorako deitutako lau grebetako lehenak. ELA, LAB, UGT eta USOk deitutako greba egunak agerian utzi du kalean enpresen eta erakundeen inplikazio eza lan-baldintzak eta zerbitzuaren kalitatea hobetzeko.

15 eguneko greba igaro ostean, lehen hitzarmenaren aurreakordioa erdietsi dugu Zaldibarko Inyectados Gabi, S.A. eta Galter, S.L. enpresekin. Aurreakordioak hauxe barneratzen du, besteak beste: %2ko soldata igoera 2018. urterako; %2ko soldata igoera 2019. urterako, KPI-aren bermearekin; plusen igoerak eta 200€ gehiago aparteko ordainsariei dagokienez.

Sektoreko mahai negoziatzailean hemeretzi bilera izan ostean, CCOO,UGT eta LAB sindikatuek patronalarekin aurreakordio bat sinatu dute Bizkaiko Arrain gazitu eta Kontserben sektorean. ELAk gogoratu du egun nagusi den prekarietate latzgarriari aurre egiteko, bereziki sektore feminizatu honetan, ez duela neurririk jasotzen.

Zaldibarko Gabi, S.A. eta Galter, S.L. injektatze-enpresetako langileak greba mugagabean daude azaroaren 6tik enpresa-hitzarmen bat exijitzeko. Enpresa horiek biek zuzendaritza bera dute, eta Zaldibarren daude. Langileak manifestazioan atera dira Zaldibarren.

Urriaren 30erako deitu diren mobilizazioak (elkarretaratzeak Bermeoko kontserba enpresen aurrean) benetako konfrontazio egoera baten hasiera behar dute izan sektorean, eta ezinbestean greba egun oso bilakatu beharko dira. Soldata igoera garrantzitsuak, aplikazio bermeak, lanordu murrizketa, baimen ordainduetan hobekuntzak, lan erreformen aurrean blindajeak eta sektorean nagusitzen den prekarietatea ezabatze bidean jarriko duen lan hitzarmena eskatzen du ELAk.

ELAk akordio bikaina lortu du AFAn (Alzheimerdun Gaixoen Familiartekoen Elkartea), eta hori dela-eta bertan behera utzi du greba mugagabea, langileek urriaren 1etik egin dutena. Izan ere, borrokaren hasieran finkatu ziren helburu guztiak bete egin dira: kaleratutako langilea berriro lanera onartu, okupazio-terapeuta kategoria aitortu, eta Bizkaiko Adinekoen Egoitzetako Hitzarmen Kolektiboaren eraginpean sartu.

ELAk gogoratu du Bizkaiko Bulegoetako lan-hitzarmena 2012tik hona geldirik dagoela, berritu gabe. CEBEKek lan erreformak baliatu zituen hitzarmena hilda zegoela erabakitzeko.

Greba urriaren 1ean hasiko da eta 80 erabiltzaileengan izango eragina. Enpresa hitzarmena betetzea eta kaleraturiko langilea berriro lanean onartzea eskatzen dute grebalariek. Enpresa Batzordeak jakinarazi dio zuzendaritzari aplikatzen zen hitzarmena, Bulego eta Langeletakoa, ez dagokiola sektoreari, eta hitzarmen aplikagarria Bizkaiko Esku-hartze Sozialekoa dela.

Aldundiko zentroak garbitzen dituzten langileek ez dute amorerik eman. Joan den abenduaren 5ean mobilizazioei ekin zioten 2010. urtetik pairatzen dugun soldata izozketa eta 20 lanpostu baino gehiagoren amortizazioa salatzeko. Era berean, lan-zamak eta erritmoak etengabe areagotzen direla eta ez dituztela bajan dauden langileak ordezkatzen adierazi dute. Egoera honen aurrean, mobilizazioekin jarraitzeko asmoa agertu dute langileok.

Behargin bat hil da gaur goizean Ondarroan. Obrara beharrezko materialak igotzen ari zen laugarren solairu parean zegoela kalera jausi da. Hildakoa 46 urteko gizonezkoa da. Dagoeneko 48 langile hil dira Hego Euskal Herrian; egoera hau onartezina da. Hori dela eta, ELAk lan istripuei aurre egiteko egitasmoa eskatzen dio Jaurlaritzari egoerari buelta eman ahal izateko

Uztailaren 18an izan zen Bizkaiko Metalgintzaren Hitzarmenaren Mahaiko hamargarren bilera. Berriro ikusi dugu FVEMek ez duela nahi hitzarmen duin bat Bizkaiko metalgileentzat. ELAn zenbait hilabete daramagu esaten antolamendua, borroka eta mobilizazioa beharrezkoak ditugula gure sektoreko lan-baldintzak duinagoak izan daitezen. Helburu horri begira, ELAk eta LABek zenbait bilera egin ditugu azken asteotan mobilizazio-agenda bat antolatzeko eta adosteko.

ELAren aburuz, Bizkaiko Metaleko lan-baldintzak duindu ahal izateko, eta sorturiko aberastasuna modu zuzenago batez banatu ahal izateko, behar-beharrezkoak ditugu antolakuntza, borroka eta mobilizazioa. Uztailaren 18an Bizkaiko Metal Hitzarmenaren Negoziazio Mahaiaren 10. bilera izan da eta ez da aurrerapenik eman.

Esternalizazioa eta subrogazioa arautu dira Bizkaiko Ostalaritza alorreko hitzarmenean. Testu aitzindaria izan da, sektorean lan egiten duten kidego guztiak Ostalaritza Hitzarmenaren pean hartu baitira. Hitzarmen horri esker ez dira gehiago prekarizatuko lan-baldintzak atal esternalizatuetan, eta hitzarmenaren aplikazioa denei bermatuko zaie. Gainera, pertsonalak subrogazio-eskubidea ere izango du.

Inyectados Gabi, S.A. eta Galter, S.L. enpresetako langileek, euren enpresetako hitzarmenaren aldeko greba burutu zuten uztailaren 12an. Partehartzea erabatekoa izan zen.

Bilbon egindako Asanbladan, Bizkaiko Metaleko Hitzarmenaren negoziaketa eta sektoreko egoera landu da, informazioa partekatuz eta jorratuz. Argi ikusten da sektoreko enpresen egoera ona dela eta hobera bidean doala. Hori dela eta, ELAk dio momentu egokian gaudela Bizkaiko Metalean jauzia emateko.

Foseco Española, S.A. enpresak Izurtza eta Igorren dituen lantegietako langile asanbladak greba mugagabea deitu du. Enpresa Batzordearen bitartez deitu dute greba (ELA, LAB eta plataforma independente batez osatua denak). Uztailaren 5ean hasiko den grebaren helburua lanpostuak mantenduko dituen eta etorkizun industriala bermatuko duen bideragarritasun plana lortzea da.

Gaur, ekainak 28, egun osoko hirugarren lanuztea egin da Bizkaiko Eskuhartze Sozialaren Sektorean, ELAren deialdiari erantzunez. Sektore horretako langileek beren ondoeza agertu dute berriro, negoziazio-mahaiaren blokeoa dela-eta. Nahi duten hitzarmenaren edukiak honako hauek dira: eroste-ahalmenari eustea —KPIri loturiko igoerekin—; 3 urteko indarraldia; 1592 orduko lanaldia; eta hobekuntzak lizentzietan eta lan-osasunaren arloan.