“Gipuzkoako erresidentzietan langile bakarra dago 13 egoiliarrentzako”

2021/10/08

Gipuzkoako erresidentzietako ratioa hau da: 13 egoiliar langileko. Datu horrek agerian uzten du aste honetan bertan Markel Olano Diputatu Nagusiak esandakoa ez dela zuzena. ELAk Donostian egin duen agerraldian begi bistan utzi ditu Olanoren esanen kontraesanak; horretarako Aldundiaren 38/2007 dekretua ikusi besterik ez dago.

Avanza garraioetan lanuzteak egingo dituzte larunbateko beste eraso baten ondotik

2021/10/06

Joan den larunbat gauean gidari batek jasandako erasoaren ondoren, Avanza garraioetako Gipuzkoako langile batzordeak lanuzte mugagabeak deitu ditu astelehen eta ostiraletan 6:00etatik 8: 00etara eta 18: 00etatik 20: 00etara, urriaren 18tik aurrera.

Gipuzkoako erresidentzietako egoera inhumanoa eta lotsagarria dela utzi du agerian Txara I-eko inspekzioak

2021/09/29

ELA sindikatuak aurkeztutako salaketa baten harira, Donostiako Txara I erresidentzian egindako inspekzioak agerian uzten du 252 egun greban daramaten ELAko sektoreko langileen aldarrien zilegitasuna, eta baita euren eskaeren premia ere: arreta zuzeneko ratioak handitu behar dira, bai eta langile gehiago kontratatu ere. Zentzu horretan, ELA-k berriz eskatzen dio Gipuzkoako Aldundiari, eta Politika Sozialetako diputatuari bereziki, onar dezala sindiatuak egiten dion bilera eskaera. Egun herrialdeko erresidentzietan bizi den egoera bideratu beharra dago, eta hori langileen lan baldintzak hobetzetik pasatzen da.

Sabadell bankuan 82 lagun kaleratu ditzakeen EEEaren aurkako mobilizazioak

2021/09/28

Sabadell bankuko langileek elkarretaratzeak egingo dituzte Donostian, Bilbon eta Iruñean bankuak aurkeztutako EEEaren aurka protesta egiteko. 82 pertsonari eragingo die Hego Euskal Herrian, eta Estatuan 1.900 lanpostu baino gehiago desagerraraziko ditu. Gainera, hori guztia dator jada aurre-erretiroen plan berri baten ondoren, beste 1.800 langilek bankua utzi eta gero. ELAk atzera egiteko eskatu dio Sabadell Bankuari, eta hala ez bada, mobilizazioak iragarri ditu urriaren 6an eta 8an.

Gipuzkoako zahar egoitzetako langileen greba eta manifestazioa sektoreko hitzarmena aldarrikatzeko

2021/09/23

Zinemaldiarekin bat eginez, ELAk Zaintzaldia deitu du, eta bi egunetan -irailaren 23an eta 24an- Gipuzkoako zahar egoitzetako langileek greba egingo dute, bai eta hainbat mobilizazio eta manifestazio ere, beren lan eta laguntza aldarrikapen nagusiak bilduko dituen hitzarmen sektoriala aldarrikatzeko. Gaurko grebarekin honez gero 251 greba egun egin ditu langile talde horrek, eta Gipuzkoako Foru Aldundia, zerbitzu publiko horren azken bermatzailea, ez da inplikatu gatazkari irtenbide negoziatu bat bilatzeko.

Irailaren 23an eta 24an greba eta "Zaintzaldia" Gipuzkoako zahar egoitzetan

2021/09/10

ELAk bi greba egun berri deitu ditu Gipuzkoako zahar egoitzetan, irailaren 23an eta 24an, guztira 252 egun, hitzarmenaren aldeko borroka hasi zenetik. Zinemaldiarekin bat egiten duten bi jardunaldi horietan, "Zaintzaldia" ekimena egingo da. Elkarretaratzeak eta protestak egingo dira, eta sektoreko langileek zahar egoitzetan bizi duten prekarietate-egoera sozializatuko dute, bai langileek, bai zaintzak jasotzen dituzten adinekoek. Duela bi urte, Ken Loach zine zuzendariak babesa agertu zion kolektiboari, eta Zinemaldian jaso zuen saria eskaini zien. Ildo horretan, ELAk dei egiten die jaialdira joango diren artista eta izarrei egoitzetako langileen borrokarekin bat egitera, beren eskubideen alde ez ezik, eskaintzen duten zerbitzuaren kalitatearen alde ere borrokatzen baitute. Zaintzak duintzeagatik, azken batean.

UTE Donostiako Garbiketa-ko langileek lanean hildako kidea oroitu dute

2021/08/17

Donostiako Garbiketa ABEEko Enpresa Batzordeak deituta bilkura egin da abuztuaren 13an hildako lankidea oroitzeko. Langilea Donostiako gaueko garbiketa zerbitzuan lanean ari zela ondoezik sentitu ostean hil zen. Enpresa Batzordeak bere babesa adierazi nahi izan die hildako lankideei eta senideei, eta gaitzespena adierazi nahi du laneko ezbehar-kopurua handitzen ari delako.

UTE Donostiako Garbiketa-ko langile bat ondoezik sentitu ondoren hil egin dela salatzen du ELAk

2021/08/13

Laneko prekarietatearen hedapenak eragin berezia du urtero arrazoi "ez traumatikoek" eragindako heriotzen kopuru handian

Egoitzak

Donostia

  • Consulado 8, behea 20011
  • 943 00 50 00