Elkarretaratzea Sopelan etxeko langile bati egindako sexu-erasoa salatzeko

2022/01/27

ELAk, LABek, STEILASek, ESK-k, EHNEk eta HIRUk elkarretaratzea egin dute Sopelako (Bizkaia) udaletxearen aurrean, atzo, urtarrilak 26, erasotzailearen etxean lanean ari zela etxeko langile bati egindako sexu-erasoa salatzeko. Sindikatuek babesa adierazi diote erasoa jasan duen langileari, erasoa gaitzetsi dute, eta ikerketa azkarra eta zigorra eskatu dute erasotzailearentzat. "Sexu-erasoa salatzen dugu eta etxeko langileentzako eskubide guztiak exijitzen ditugu", azpimarratu dute.

ELAk greba mugagabea deitu dute bihartik aurrera Zamudioko DHL Supply Chain enpresan, Euskaltelen zentro logistikoa

2022/01/25

Zamudioko DHL Suplly Chain enpresako langileek greba mugagabea hasi dute urtarrilaren 25ean. 20 langile ditu lantokiak, eta Euskaltelen zerbitzu logistikoa eskaintzen dihardu. DHLk duela gutxi jakinarazi zien langileei Euskaltelek zerbitzu logistikorako lotzen duen kontratua bertan behera uztea erabaki duela, eta bere asmoa deslokalizatzea eta zerbitzua Guadalajarara eramatea da. Horrek Zamudioko langile guztien enplegua suntsitzea ekarriko luke.

Akordioa erdietsi eta greba bertan behera geratu da Zamudioko ZTE enpresan

2022/01/24

ELAk deitutako 10 eguneko greba-txanda hasi bezperan, akordioa lortu da Zamudioko ZTEko zuzendaritzarekin. Enpresa itunak soldata-igoerak, lanaldi-murrizketa, aplikatu beharreko gutxieneko soldatak eta telelanaren oinarriak jasotzen ditu. Gauzak horrela, grebak bertan behera geratu dira. ZTE Euskaltelen azpikontrata nagusia da.

Erandioko GTO Gestamp Try Out lantegiko langileek elkarretaratzea egin dute Bilboko epaitegien aurrean, aldi baterako lan-erregulazioaren aurka

2022/01/19

Erandioko GTO Gestamp Try Out lantegiko langileek elkarretaratzea egin dute Bilboko epaitegien aurrean, enpresan aplikatzen ari den aldi baterako lan erregulazioko espedientearen aurkako epaiketa dela eta.

ELAk bigarren greba egun bat 
deitu du Bizkaiko erresidentzietan otsailaren 8rako

2022/01/18

Bizkaiko erresidentzietako langileek otsailaren 8rako beste greba egun bat deitu dute, hain zuzen, martxoaren 8a baino hilabete lehenago. Deialdi berri honetan, ELAk berriro aldarrikatuko du lan hitzarmena berritu beharra dagoela, zaintza eredua aldatuko bada. Sindikatuak azaldu duenez, ezinbestekoa da eredua errotik aldatzea, zerbitzuak publifikatzea eta ratioak hobetzea.

ELAk Bizkaiko Metalaren Hitzarmenerako plataforma aurkeztu du

2022/01/11

ELAk Bizkaiko metalgintzako hitzarmenerako aldarrikapenak aurkeztu ditu gaur, urtarrilak 11, Negoziazio Mahaiaren bigarren bileran. Bertan, sindikatuak bere plataforma aurkeztu eta azaldu du, hau da, bere militantziarekin azken hilabeteetan egindako prozesu bateratu baten emaitza. ELAren helburua da sektorean sortzen den aberastasuna modu bidezkoan banatzea, prekaritatea ezabatzea, aurrerapausoak ematea eta Bizkaiko metalgintzan emakumeek jasaten duten diskriminazioaren aurkako neurriak ezartzea.

Avanza Bizkaibuseko enpresa batzordeak greba deitu du urtarrilaren 7rako

2022/01/05

Avanza Taldeak uko egin dio 2020an iraungitutako hitzarmena berritzeari eta murrizketak baino ez ditu inposatzen. Mobilizazio gehiago egiteko prest dira langileak

Mobilizazio kanpaina arrakastatsua, Bizkaiko garbiketa sektorean soldata arrakala amai dadin eskatzeko

2021/12/22

ELA, LAB eta ESK berriro mobilizatu dira Bizkaiko garbiketaren sektorean soldata arrakalaren amaiera eskatzeko kanpainaren baitan. Abenduaren 22koa urteko azken mobilizazioa izan da; manifestazio batek batu ditu Indautxu Plaza eta IMQ Zorrozaurre.

Egoitzak

Areeta

  • Areetako etorbidea 2 48930
  • 94 602 04 50

Derio

  • Txorierriko Etorbidea 9 48160
  • 94 404 31 13

Mungia

  • Herri Bide 8, entrepl. 48100
  • 94 674 00 16