Bizkaiko metaleko patronalak ez du bermatu nahi KPIaren igoerarik, ezta lan baldintzen hobekuntzarik ere

2022/09/27

Irailaren 26an egindako Bizkaiko metalaren negoziazio mahairen ostean, ELAk adierazi du patronalak, FVEMek, aurkeztutako proposamena sektoreak eskatzen duenetik oso urrun dagoela, ez baitu bermatzen KPIaren igoerarik, ezta lan baldintzen hobekuntzarik ere. Gauzak horrela, sindikatuak uste du grebara jotzeko unea dela, soldatak eta lan baldintzak nabarmen hobetzeko. "Lan karga izugarri handia da eta enpresak etekin handiak ditu; patronalak, ordea, Bizkaiko metalgintzako langileak pobretu nahi ditu", salatu du. Hurrengo bilera urriaren 13an izango da.

ELAk greba deitu du urriaren 4, 5 eta 6an Bizkaiko adineko egoitzetan

2022/09/16

Joan den astean egindako asanbladan, Bizkaiko zahar egoitzetako ELAko langileek (sektorearen %65 baino gehiago ordezkatzen dute) aho batez erabaki dute protestak areagotzea, eta hiru greba egun deitu dituzte urriaren 4, 5erako eta 6rako. Horrela, sektoreko langileek negoziazio mahaia deitzera behartu nahi dituzte patronalak.

FVEMek Bizkaiko metaleko langileak pobretzearen aldeko apustua egiten jarraitzen du

2022/09/13

Sektorean egindako 3 greba egun eta mobilizazioen ondoren, eta patronalaren negoziazioa blokeatzeko jarrera ikusita, ELAk uste du greba eta mobilizazio maila handitu egin behar dela.

Plentziako kale garbikuntzako langileek akordioa lortu eta greba bertan behera utzi dute

2022/09/07

Plentziako (Bizkaia) kale garbikuntzako langileek soldata igoerak jasotzen dituen akordioa lortu dute, eta amaiera eman diote 2022ko apirilaren 11n hasitako grebari. Bost hilabete baino gehiago igaro ondoren, langileek hainbat hobekuntza lortu dituzte: KPIa + % 3ko igoera lortu indarraldiko urte bakoitzean -2023, 2024 eta 2025-; lanbide kategoriaren igoera denentzat; eta norberaren gauzetarako bost egun hartzeko eskubidea sendotzea. ELAk ordezkatu ditu lau langileak.

ELAk Autobuses La Unión-eko 7 langileen kaleratzea salatu du

2022/08/19

Egoera konpontzen ez bada, ELAk mobilizazioak bultzatuko ditu langileen itzulera lortu arte. ELAk enpresari exijitu dio murrizketen politika bertan behera uzteko, kaleratutako langileak berriro onartzeko, eta Autobuses La Union kontratatzen duten administrazio publikoei, enpresei eta erakundeei eskatu die plantillaren eskubideak betetzea exijitzeko.

Arrantza Ikuskaritza: Negoziazioa orain!

2022/08/11
Lorea Izagirre (ELA-Gizalan)

Arrantza-ontzietako lonjak eta kaiak kontrolatzeko eta ikuskatzeko ardura duten Estatuko Administrazio Orokorreko funtzionarioak dira arrantza-ikuskatzaileak. Halaber, itsas ikuskapenak egiten dituzte Espainiako Estatuaren subiranotasunaren peko uretan, Europako eta nazioarteko uretan, eta aireontzietan zaintza-lanak egiten dituzte.

ELAk Urdulizko ospitaleko erradiologia zerbitzua langile gehiagorekin indartzeko eskatu du

2022/08/09

Zuzendaritzak egutegietan eta ordutegietan aldaketak iragarri zituen uztailean, baldintzak prekarizatzeko eta kontratazio berriak saihesteko.

LABen sinadurak gehiengoa ematen dio Metro Bilbaoko akordioari eta lanuzteak bertan behera uztera behartu du

2022/08/05

ELAk CCOO, Semaf, LAB, Egie eta ESK sindikatuek adostutako hitzarmenaren aurkako botoa eskatuko du, langileak pobretuko dituelako eta aldarrikapen askori uko egin dielako

Egoitzak

Areeta

  • Areetako etorbidea 2 48930
  • 94 602 04 50

Derio

  • Txorierriko Etorbidea 9 48160
  • 94 404 31 13

Mungia

  • Herri Bide 8, entrepl. 48100
  • 94 674 00 16