Bizkaiko zahar etxeetako delegatuek elkarretaratzea egin dute Lan Harremanen Kontseiluaren aurrean, Bilbon, hitzarmenaren negoziazioan dagoen blokeoa salatzeko. ELAk salatu du patronalarekin hitzarmena negoziatzeko 10 bilera egin ondoren -negoziazio mahaia duela ia urtebete jarri zen martxan-, patronalak negoziazioa blokeatzen jarraitzen duela. Izan ere, patronalak uko egin dio langileak lehen egunetik ordezkatzeari, lanaldi osoko kontratuak sinatzeari, edo soldata eta lan baldintzak Gizarte Ugazpenerako Foru Erakundearekin (GUFE) parekatzeari. Aitzitik, sindikatuak dio lan murrizketetan are gehiago sakondu nahian dabilela. Sektoreko ordezkariek salatu dute, halaber, Lan Harremanen Kontseiluak (LHK) eragotzi egiten duela negoziazio-mahaiko delegatuak eta kideak negoziazio bileretara bertaratzea, espazio nahikoa ez dagoela argudiatuta. Gauzak horrela, patronalak hitzarmena negoziatzeko urratsak egiten ez baditu greba deituko duela aurreratu du sindikatuak.

ELA, LAB, CCOO eta UGTk elkarretaratzeak deitu dituzte Ermuko Vitalitas Abeletxe zahar egoitzan urriaren 14, 21, 28 eta azaroaren 4rako, langileen prekaritatea eta zerbitzuaren kalitatean gertatu den okertzea salatzeko.

Bilboko Guggenheim Museoko garbitzaileek 111 egun daramatzate greban lan hitzarmen duin baten alde, baina ez dira Bizkaian greban dauden garbitzaile bakarrak, ezta gutxiago ere. Bizkaia osoan zehar arrakalaren aurkako gatazka edo negoziazio gogorretan dabiltzan hainbat garbikuntzako kolektibo badaude gaur gaurko: Gorlizko Udaleko garbitzaileak, Bermeoko Udalekoak, Ermuko Udaleko garbitzaileak, Deustuko Unibertsitateko garbitzaileak, Güeñesko Udaleko garbitzaileak... Euren egoera salatzeko ELAk elkartasun ekitaldi berezia egin du Bilboko Guggenheim museoaren alboko armiarmaren eskulturaren alboan.

Bizkaiko autoeskoletako grebaren hamargarren eta azken egunean – Irailaren 20tik 24ra – ELAk idazki bat erregistratu du APAVI patronalaren egoitzan, adostasunetan aurrera egiteko proposamenak egiteko eta, horrela, gatazka bideratu ahal izateko. Sindikatuak salatu duenez, patronalak ez du oraindik proposamen egokirik egin gatazka bideratzeko eta sektorearen prekaritatea saihesteko. Gauzak horrela, aurrerapenak ekarriko dituen proposamenik ez dagoen bitartean, mobilizazioen eta greben dinamika indartu beharko duela aurreratu du.

Ekainean eta uztailean egindako greba egunen ondoren, patronalaren berririk gabe iritsi dira langileak irailera. Horregatik, ELAk astebeteko greba deialdia egin du irailaren 20tik 24ra. Lehen egun honek babes zabala izan du, aurrekoen oso antzekoa. Hala erakusten du gaurko antolatutako mobilizazioetan- goizeko auto karabana zein eguerdiko elkarretaratzea APAVI patronalaren egoitza aurrean- langileen aldetik izandako parte hartzeak.

Langileen mobilizazioek eta grebek patronala mugiaraztea eragin dute, baina uztaileko azken mahaian aurkeztutako proposamenak apenas dauka hobekuntzarik. Iraila iritsita ez dago patronalaren berririk, ez eta proposamenik ere. Beraz, ekainean hasitako greba dinamika indartu beste biderik ez dago. Hau dela eta ELAk aste osoko greba deialdia erregistratuko du irailaren 20tik eta 24ra bitartean.

Zaldibar Argituk eta Euskal Herriko Eskubide Sozialen Kartak, Zaldibarko hondamendiaren kasuan, langileen eskubideen aurkako deliturik egon den argituko duen prozedimentutik kanpo utzi gaituztela salatu dute

Enpresa-batzordeak hainbat ekintza abiarazi ditu enpresak hartu zuen neurri baten aurka, langile horrek EAJrekin kritikoak ziren artikuluak idazten zituelako beste komunikabide batean