ELAk greba mugagabea deituko du Zarauzko Kiroldegian, enpresak negoziazioan urratsik egiten ez badu

2021/10/19

Urriaren 19an laugarren greba eguna egin da Zarauzko kiroldegian, aurrekoari jarraipena emango dion hitzarmen baten alde eta BPXPORT enpresak abuztuan ezarri zituen murrizketen aurka. Grebak jarraipen zabala izan du eta kiroldegia lau egunez itxita egon da. Horrela amaituko da greba eta mobilizazioen lehen txanda. ELAk aurreratu du enpresak eta Udalak urratsik egiten ez badute, greba mugagabea deituko duela azaroaren 2tik aurrera. Langileek argi utzi dute ez dutela murrizketarik onartuko.

Avanzako garraio-zerbitzuan segurtasun handiagoa eskatzeko lanuztea

2021/10/18

Gaur, goizeko 6: 00etatik 8: 00etara, Gipuzkoako Avanzako garraio-zerbitzuaren enpresa- batzordeak deitutako lanuzteen lehenengoa egin da, plantilla jasandako azken erasoen aurka protesta egiteko eta zuzendaritzari berriro ez gertatzeko bitarteko egokiak jar ditzala eskatzeko. Erabateko jarraipena izan du grebak. Urriaren 9an gidari batek beste eraso bat jasan ondoren, Avanzako enpresa-batzordeak lanuzte mugagabeak deitu zituen astelehenetan eta ostiraletan 6: 00etatik 8: 00etara eta 18: 00etatik 20: 00etara, urriaren 18tik aurrera.

Lehen greba egun arrakastatsua Zarauzko kiroldegian

2021/10/13

Urriaren 13an greba eguna egin dute Zarauzko kiroldegiko langileek; deialdiaren helburua aurrekoari jarraipenari emango dion hitzarmen bat lortzea eta abuztuan BPXPORT enpresak ezarritako murrizkek bertan behera uztea da. Langileek argi utzi dute ez dutela soldata izozketarik edota murrizketarik onartuko. Horretarako hainbat ekimen antolatu dituzte egun osoan zehar. Grebak jarraipen zabala izan du eta kiroldegia itxita mantendu da egun osoan zehar.

“Gipuzkoako erresidentzietan langile bakarra dago 13 egoiliarrentzako”

2021/10/08

Gipuzkoako erresidentzietako ratioa hau da: 13 egoiliar langileko. Datu horrek agerian uzten du aste honetan bertan Markel Olano Diputatu Nagusiak esandakoa ez dela zuzena. ELAk Donostian egin duen agerraldian begi bistan utzi ditu Olanoren esanen kontraesanak; horretarako Aldundiaren 38/2007 dekretua ikusi besterik ez dago.

Urriaren 13, 14, 18 eta 19an, Zarauzko kiroldegiko langileek greba egingo dute hitzarmenaren alde eta murrizketen aurka

2021/10/07

Zarauzko Kiroldegiko langileek lau greba egun egingo dituzte urriaren 13, 14, 18 eta 19an hitzarmenaren alde eta murrizketen aurka. ELAk salatu du kiroldegiko langileen baldintzak etengabe okertzen ari direla, enpresak eta Udalak konponbiderako proposamenik egin gabe. Langileek aurrekoari jarraipena emango dion eta ohiko lanaldietara itzuliko den hitzarmen bat aldarrikatu dute.

Avanza garraioetan lanuzteak egingo dituzte larunbateko beste eraso baten ondotik

2021/10/06

Joan den larunbat gauean gidari batek jasandako erasoaren ondoren, Avanza garraioetako Gipuzkoako langile batzordeak lanuzte mugagabeak deitu ditu astelehen eta ostiraletan 6:00etatik 8: 00etara eta 18: 00etatik 20: 00etara, urriaren 18tik aurrera.

Zumaiako etxez etxeko laguntza zerbitzuaren langileek lehen enpresa-hitzarmena lortu dute

2021/10/04

Hiru urteko negoziazioen ondoren, ELAk eta Eulen Soziosanitarioak Zumaiako etxez etxeko laguntza-zerbitzuaren enpresako lehen hitzarmena sinatu dute. Sindikatuaren iritziz, garaipen handia da kolektibo osoarentzat, sektoreko erreferentziazko hitzarmen bihurtuko baita Gipuzkoan, 2023rako 1556 euroko oinarrizko soldatarekin. Hitzarmenak 2023ra arteko indarraldia izango du (2021-2023), eta KPIaren gaineko soldata-igoerak barne hartzen ditu, gutxienez % 9ko gehikuntzarekin hiru urtean.

Orioko kiroldegiko langileen kontzentrazioa hitzarmenaren defentsan

2021/09/29

Orioko Karela Kiroldegiko langileek elkarretaratzea egin dute lan baldintza duinak bermatuko dituen hitzarmen bat aldarrikatzeko. Era berean, ELAk salatu du 2020. eta 2021. urteetarako soldaten eguneratzea kobratu gabe jarraitzen dutela langileek, eta BPXPORTek sinatu gabe jarraitzen duela enpresarekin adostutako hitzarmena.

Egoitzak

Azpeitia

  • Arana Goikoa 1-2-3, bajo 20730
  • 943 81 34 46

Zarautz

  • Bizkaia kalea 8 20800
  • 943 00 05 28