Bi langile zendu dira gaur Urnietako eta Amurrioko lan istripuetan

2021/10/15

Gaur goizean, urriak 15, bi langile hil dira lan-istripu baten ondorioz. Lehenengoak Urnietako Pavimentos Tecnológicos Zarra enpresan lan egiten zuen. Miguel Imaz enpresako azpikontrata da Urnietako Udalerako kiroldegia berritzeko obra batzuetan. 59 urte zituen. Bigarren hildakoa Amurrioko txalet batean konponketak egiten ari zen autonomo bat zen.

“Gipuzkoako erresidentzietan langile bakarra dago 13 egoiliarrentzako”

2021/10/08

Gipuzkoako erresidentzietako ratioa hau da: 13 egoiliar langileko. Datu horrek agerian uzten du aste honetan bertan Markel Olano Diputatu Nagusiak esandakoa ez dela zuzena. ELAk Donostian egin duen agerraldian begi bistan utzi ditu Olanoren esanen kontraesanak; horretarako Aldundiaren 38/2007 dekretua ikusi besterik ez dago.

Avanza garraioetan lanuzteak egingo dituzte larunbateko beste eraso baten ondotik

2021/10/06

Joan den larunbat gauean gidari batek jasandako erasoaren ondoren, Avanza garraioetako Gipuzkoako langile batzordeak lanuzte mugagabeak deitu ditu astelehen eta ostiraletan 6:00etatik 8: 00etara eta 18: 00etatik 20: 00etara, urriaren 18tik aurrera.

Gipuzkoako erresidentzietako egoera inhumanoa eta lotsagarria dela utzi du agerian Txara I-eko inspekzioak

2021/09/29

ELA sindikatuak aurkeztutako salaketa baten harira, Donostiako Txara I erresidentzian egindako inspekzioak agerian uzten du 252 egun greban daramaten ELAko sektoreko langileen aldarrien zilegitasuna, eta baita euren eskaeren premia ere: arreta zuzeneko ratioak handitu behar dira, bai eta langile gehiago kontratatu ere. Zentzu horretan, ELA-k berriz eskatzen dio Gipuzkoako Aldundiari, eta Politika Sozialetako diputatuari bereziki, onar dezala sindiatuak egiten dion bilera eskaera. Egun herrialdeko erresidentzietan bizi den egoera bideratu beharra dago, eta hori langileen lan baldintzak hobetzetik pasatzen da.

Brioche Pasquier Irunek langile bat kaleratu du arrazoi justifikaturik gabe

2021/09/24

Brioche Pasquier Iruneko enpresa-batzordeak salatu du zuzendaritzak bidegabe kaleratu duela langile bat, legezko oinarririk ez duten arrazoiak alegatuz, inolako kalte-ordainik ordaindu gabe, eta aldez aurretik langileari inolako hutsegiterik eta zehapenik helarazi gabe. Brioche Pasquier Irunen "diziplinazko botere abusua" gertatu dela salatu du batzordeak, eta kaleratutako langilea berehala lanean hastea eskatu du.

Gipuzkoako zahar egoitzetako langileen greba eta manifestazioa sektoreko hitzarmena aldarrikatzeko

2021/09/23

Zinemaldiarekin bat eginez, ELAk Zaintzaldia deitu du, eta bi egunetan -irailaren 23an eta 24an- Gipuzkoako zahar egoitzetako langileek greba egingo dute, bai eta hainbat mobilizazio eta manifestazio ere, beren lan eta laguntza aldarrikapen nagusiak bilduko dituen hitzarmen sektoriala aldarrikatzeko. Gaurko grebarekin honez gero 251 greba egun egin ditu langile talde horrek, eta Gipuzkoako Foru Aldundia, zerbitzu publiko horren azken bermatzailea, ez da inplikatu gatazkari irtenbide negoziatu bat bilatzeko.

Irailaren 23an eta 24an greba eta "Zaintzaldia" Gipuzkoako zahar egoitzetan

2021/09/10

ELAk bi greba egun berri deitu ditu Gipuzkoako zahar egoitzetan, irailaren 23an eta 24an, guztira 252 egun, hitzarmenaren aldeko borroka hasi zenetik. Zinemaldiarekin bat egiten duten bi jardunaldi horietan, "Zaintzaldia" ekimena egingo da. Elkarretaratzeak eta protestak egingo dira, eta sektoreko langileek zahar egoitzetan bizi duten prekarietate-egoera sozializatuko dute, bai langileek, bai zaintzak jasotzen dituzten adinekoek. Duela bi urte, Ken Loach zine zuzendariak babesa agertu zion kolektiboari, eta Zinemaldian jaso zuen saria eskaini zien. Ildo horretan, ELAk dei egiten die jaialdira joango diren artista eta izarrei egoitzetako langileen borrokarekin bat egitera, beren eskubideen alde ez ezik, eskaintzen duten zerbitzuaren kalitatearen alde ere borrokatzen baitute. Zaintzak duintzeagatik, azken batean.

ELAk bertan behera utzi du Txingudiko Women´secret dendan deitutako greba

2021/07/28

ELAk bertan behera utzi du Txingudi Merkataritza Guneko (Irun) Women´secret dendan deitutako greba, enpresak dendaren itxieraren aurrean langileak birkokatuko dituela iragarri ostean. ELAk azpimarratu duenez, lan sindikalari eta langileen antolaketari esker, enpresak, lehen aldiz denda bat ixten denean, langileak beste denda batzuetan jarriko ditu, kaleratu beharrean.

Egoitzak

Bera

  • San Esteban 13, bajo 31780
  • 948 63 07 92

Errenteria

  • Pza. Koldo Mitxelena 2, bajo 20100
  • 943 00 01 13

Irun

  • Paseo Colón 27, 1º 20302
  • 943 63 84 70