Albisteak

Araluceko langileek mobilizazioei berrekingo diete

2020/06/03

Azarotik lan egin ezinik eta urtarriletik ezer kobratu gabe daudela salatu dute Batz – Araluceko langileek. Bien bitartean, enpresaren lan-karga Batz Taldearen instalazioetan garatzen jarraitzen da. Dena irregulartasunez betetako prozesu baten barruan.

ELAk salatu du Lan-Ikuskaritzan Basauriko espetxeko "deskonfinamendu-prozesua"

2020/05/21

ELAk salaketa bat aurkeztu du gaur Bizkaiko Lan Ikuskaritzan, zeinaz salatu baita Basauriko Espetxeko Zuzendaritzak ez duela bete Lan Arriskuen Prebentzioaren Legea. Hortaz, Basauriko espetxeko deskonfinamendu-neurriak kautelaz bertan behera uzteko eskatu da, harik eta prebentzio-ordezkariekin egin beharreko kontsultaren derrigorrezko izapidea bete arte.

ELA, LAB, ESK, STEILAS, EHNE eta HIRUk apirilaren 16an Arrigorriagako Talleres Berasateguin gertatutako lan istripu hilgarria salatu dute kontzentrazio batean

2020/04/17

Enpresa aurrean egindako agerraldian sindikatuek azaldu dutenez, dagoeneko 23 dira aurten Hego Euskal Herrian lan istripuz hil diren langileak, eta horiei Joaquin eta Alberto gehitu behar zaizkie, Zaldibarko zabortegian hondakin tonen azpian lurperatuta baitaude. ELAk gertatutakoa ikertzea eskatu du berriz ere, besteak beste, balizko erantzukizunak argitzeko. Gogorarazi duenez, segurtasun-neurririk eza, lan-baldintza txarrak edo lan-erritmo gogorrak arrisku-faktoreak dira, eta lan-istripu larri eta hilgarri bat izateko aukerak biderkatzen dituzte.

57 urteko langile bat hil da Arrigorriagako Talleres Berasategui lantegian izandako lan-istripuan

2020/04/16

Arrigorriagako Talleres Berasategui enpresako 57 urteko langile bat hil da lan istripu batean. Tamalez, dagoeneko 23 dira aurten Hego Euskal Herrian lan istripu batean hil diren langileak, eta horiei Zaldibarko zabortegian hondakin tonen azpian lurperatuta dauden Joaquin eta Alberto gehitu behar zaizkie. ELAk atsekabea adierazi nahi die hildako langilearen senide, lankide eta gertukoei. Talleres Berasateguik joan den asteartean, apirilaren 14an, ekin zion berriro jarduerari, funtsezkoak ez diren jarduerak gelditu ondoren, non langileak etxean egon baitziren baimen ordaindu berreskuragarriarekin.

ELAk salatu du Aldundiak Bizkaibuseko zerbitzua kobratzeko emandako agindua 6 urtetik beherakoei, mugikortasun urriko pertsonen laguntzaileei eta txartela doan zuten beste kolektibo batzuei

2020/04/08

ELAk salatu du Aldundiak Bizkaibuseko zerbitzua kobratzeko agindua eman diela 6 urtetik beherakoei, mugikortasun urriko pertsonen laguntzaileei eta doako txartela zuten beste kolektibo batzuei, eta Unai Rementeriaahaldun nagusiari eskatu dio garraioen arloko erabaki hori zuzen dezala. Aitzitik, apirilaren 1eko foru aginduak markatzen dituen kolektibo horiei ez kobratzeko, alarma-egoerak irauten duen bitartean doako bidaia guztiak baimentzeko, funtsezko langileentzako zerbitzuak indartzeko eta Bizkaibus benetako zerbitzu publiko gisa kudeatzeko eskatzen du sindikatuak.

Balzolako batzordeak ordaintzeke dauden soldatak ordaintzeko exijitu du, eta eraikuntzako enpresa porrotera bideratzea leporatu dio zuzendaritzari

2020/04/06

Construcciones y Promociones Balzola SA enpresako batzordeak salatu du enplegu-erregulazioko-espedienteak dakarren lege-hutsunea medio, defentsa-gabezia dagoela plantillako 179 langileen artean. Euren etorkizuna zein izango den ez jakiteaz gain, batzordeak salatu du enpresak hiru hileko soldatak zor dizkiela langileei, eta horrek edozein familiaren ekonomiari eragiten diola.

Mercadonak 5 langile kaleratu ditu arrazoirik gabe pandemiaren erdian eta inoiz baino gehiago fakturatzen ari denean

2020/04/02

Supermerkatuen hornidura faltak beldurra sortu zuen eta ondorioz, etengabe hazten joan dira salmentak. Alabaina, Mercadonak, Basauriko saltokiko bi langile eta Gasteizko zentro logistikoko hiru, arrazoirik gabe kaleratu ditu. ELAk horrelako kaleratzerik onartuko ez duela aurreratu ondoren, enpresak lan-karga onartezinak eta lanaldi amaigabeak bere gain hartzen dituen plantilla otzantzea helburu duela salatu du, eta horregatik, ordutegian eta lanaldietan etengabeko aldaketak egiten ari dela. Hori guztia, enpresaren beharren arabera eta langile bakoitzaren egoera pertsonala kontuan hartu gabe.

Eusko Jaurlaritzak Ertzaintza jarri du Sidenorren aginduetara langileen mobilizazioa debekatzeko

2020/03/27

Gaur, martxoak 27, Sidenor Basauriko langileek protesta ekitaldia egin dute gehiengo sindikalak egindako deialdiarekin bat eginez. Deialdi horrek jarraipena izan du Euskal Herriko beste lantoki askotan, eta osasun publikoa lehenestea eskatzen du, interes ekonomikoa lehenestea nahiago duten patronalen eta gobernuen erabakiaren kontra. Protestara komunikabide ezberdinak joan dira. Enpresa Batzordeko kideek salatu dutenez, Sidenor Basauriko instalazioetan, Koronabirusaren mehatxuari aurre egiteko hartu beharreko neurriak ez dira betetzen ari. Behin komunikabideen aurreko esku-hartzea amaituta, Ertzaintzako patruila bat Batzordeko kideengana joan da, eta debekatu egin die protesta ekitaldia egitea, enpresaren instalazioen barruan egiten ari ziren arren. Enpresa Batzordeak Ertzaintzaren jarrera gaitzetsi du, eta lantegian sartzeko eskatu die, Sidenorren dauden segurtasun-neurrien faltak egiaztatu ahal izateko.

Mercabilbao koronabirusaren kontrolik gabeko foku bihurtzeko arriskua dago

2020/03/23

ELAk astebete baino gehiago darama agintaritzen aurrean salatzen Mercabilbaon fruta, barazki eta arrainaren salmenta zein baldintzatan egiten den. Egoera kritikoa da langileentzat, baina baita herritar guztientzat ere. Bada, osasun-alertaren egoera ikusita, ELA berehala jarri zen harremanetan agintaritzarekin, salmenta babes-neurririk gabe egiten ari zelako kezkatuta: ez aforo-mugarik, ez eskudirutan ordaintzeko debekurik, ez langileak babesteko neurririk, ez salgaiak babesteko neurririk…

Sidenorrek langileen eta gizartearen osasuna arriskuan jarri du #Koronabirusa

2020/03/19

Eusko Jaurlaritzak Sidenorreko langileak beren lanpostuetara itzultzera behartzen ditu, nahiz eta ELAk salatu duen Euskal Herriko lantegietan zuzendaritzak ez duela prebentzio-neurri eraginkorrik aplikatu langileak Koronabirusak eragindako arriskuetatik babesteko. ELAk salatu du Eusko Jaurlaritzako Lan Agintaritzak uko egiten diola ekoizpena geldiarazteari Lan Ikuskaritzak Sidenorren lantegietara inolako bisitarik egin gabe, prebentzio neurririk ez dagoela egiaztatzeko. Hori egin beharrean, Sidenorrek langileen ordezkariei eta langileei jakinarazi die lanera itzuli behar dutela, langileen eta, oro har, gizartearen osasuna arriskuan jarriz.

Koronabirusaren aurrean, lehentasunak: osasuna eta pertsonak

2020/03/15

ELAk gure eskubideak eta gure osasuna lantokietan defendatzeko honako argibide praktikoak zabaldu nahi ditu. Edozein zalantza baldin baduzu, deitu telefonoz sindikatura (kontsulta presentzialak sahiestu behar ditugu). Zaindu zaitez, zaindu gaitezen. Gure eskubideak defendatu ditzagun!

Batz-Araluce enpresa batzordeak bilera eskatu du Eusko Jaurlaritzako Lan Zuzendariarekin

2020/03/11

Batz-Araluce enpresa batzordeak (6 ELA, 3 LAB) formalki eskatu du premiazko bilera bat egitea Laneko Zuzendariarekin, Elena Perezekin. Bere ustez, Araluce eta Batzek irregulartasunez betetako enplegu-erregulazioko espedientearen prozedura baten aurrean gaude. Bileran zehaztasun handiagoz azalduko dute irregulartasun horiek. 140 familia baino gehiagok ikusten dute beren etorkizuna arriskuan, Batz eta MCC Kooperatibaren (Mondragon) erabakiek erakusten baitute ez dutela gizatasunik Batz-Araluceko langileekin, eta doktrina kapitalistarik ortodoxoenaren jarraipena egiten dutela.

Lan sailak greba eskubidea ukatu die Hezkuntzak azpikontratatutako garbitasun langileei

2020/03/10

Eusko Jaurlaritzaren Lan sailak gutxieneko zerbitzuen inguruan eman duen aginduak praktikan ukatu egiten die greba eskubidea Hezkuntzak azpikontratatutako lnagileei. Langileon baldintzak arautzen dituen lan hitzarmena 2014an iraungi zen, hots, bost urte luze igaro dira, eta garai honetan enpresek negoziazioa etengabe blokeatu dute; bitartean, Hezkuntza sailak ezikusiarena egin du. Honen ondorioz zerbitzu horiek ematen dituzten langileek hainbat greba egin dute negoziazioaren bost urteotan; duela gutxi bost asteko greba deitu zuten.

Bizkaiko Etxez Etxeko grebalariek sektoreko kalitate asistentzialaren eta lan baldintzen gainbehera salatu dute Bilboko Arriagan egindako kontzentrazioan

2020/03/04

Greban diren Bizkaiko Etxez Etxeko langileak egun osoko kontzentrazioa egiten ari dira Bilboko Arriaga Plazan, sektoreak bizi duen gainbehera asistentziala eta beharginek pairatzen dituzten lan baldintza kaxkarrak salatzeko. ELA, LAB eta UGTk martxoan deitutako bigarren greba eguna da hau. Ia hiru urte igaro dira sektoreko langileak mobilizatzen hasi zirenetik eta 40 greba egunen langa gainditu dute jada. Lan hitzarmena lortzeko borrokan zerbitzuaren titular diren udalek eta zerbitzua bera eskaintzen duten patronalek jarrera inmobilistan jarraitzen dutela salatu dute.

UPV/EHUk eta Hezkuntza Sailak azpikontratatutako garbitzaileen lehen lanuzte egunaren jarraipen zabala

2020/03/02

Lan hitzarmenaren defentsan EHUk eta hezkuntza sailak azpikontratatutako garbitzaileen kolektiboaren lehen greba egunaren jarraipena oso zabala izan da. ELA, CC OO, LAB eta ESK sindikatuek bost asteko grebara deitu dute sektorean. Greba horren bidez, langileek enpresak behartu nahi dituzte hitzarmena sinatu ahal izateko edukiak dituen negoziazio batera. Puntu nagusia da soldatak parekatzea Eusko Jaurlaritzako garbiketako langile propioekin alderatuta. Soldaten arteko aldea, gaur egun, %13tik gorakoa da. Bost urteko negoziazioaren ondoren enpresek mahaira joateari utzi diote, eta Euskal Administrazio Publikoak beste aldera begiratzen du.

Diru goseak eta etekinetan bakarrik zentratzeak Bizkaibus-eko zerbitzuak okerrera egitea eragin duela salatu du ELAk

2020/02/28

Barne-berrantolaketa baten aitzakiarekin, lanpostuak amortizatzen eta sail jakin batzuetako zerbitzuak murrizten edo ezabatzen ari dira Bizkaibusen, beti ere, enpresa emakidadunek beren irabaziak handitu ditzaten. Gauzak horrela, ELAk Bizkaiko Foru Aldundiari eskatzen dio, gorabehera horien guztien berri izanik, beharrezko neurriak har ditzala jarduera horiek bertan behera uzteko eta erantzukizunak argitzeko.

Dagoeneko 15 dira Hego Euskal Herrian lan istripuz hildakoak

2020/02/25

Zaldibarko zabortegian Verter Recycling enpresako bi langileren gorpuen bila jarraitzen duten bitartean, atzo arratsaldean Gasteizko Murga herrian gertatutako beste lan istripu hilgarri bat deitoratu behar dugu. Zorrotza Gestión de Residuos enpresako langile bat hil da, 4 metrotik erorita. 30 urteko langileak aste gutxi zeramatzan hondakin ez-arriskutsuak biltzen eta birziklatzen aritzen den enpresa honetan lanean.

Hiru greba egun berri Bizkaiko Etxez Etxeko Laguntzan hitzarmen berri baten alde

2020/02/21

ELA, LAB eta UGT sindikatuek greba egunak deitu dituzte otsailaren 27rako eta martxoaren 4 eta 5erako Bizkaiko Etxez Etxeko Laguntzan. Mobilizazio hauen helburuan hitzarmen berri bat lortzea da. Ia hiru urte igaro dira sektoreko langileak mobilizatzen hasi zirenetik. Denbora honetan 40 greba egun baino gehiago egin dituzte, baina patronalek eta udalek immobilismoan jarraitzen dute. Egoera horren aurrean, langileek mobilizazio gehiago antolatu beste aukerarik ez dutela izan azpimarratu dute.

Murgako Tubos Mecanicos Norte lantegian greba mugagabea

2020/02/18

Tubacex taldean dagoen Tubos Mecanicos Norte enresako langileek greba mugagabean daude otsailaren 10etik, soldata igoerak eskatzeko. Manipulazioa eta hodien merkaturatzeaz aritzen da lantegia eta Murgako Industrialdean aurkitzen da. ELAren arabera, diskriminazioa oso handia da, "aplikatzen diren soldatak ez baitagozkio Ipar Tubos Mecanicosen egiten duten lanari, eta lanaldia Tubacex taldeko enpresen oso gainetik dago".

Bizkaiko kirol-lokal eta zelaien sektoreak greban jarraitzen du

2020/02/04

Gatazkak jarraitzen du Bizkaiko kirol-lokal eta zelaien sektorean. LAB, UGT eta CCOO sindikatuek joan den astean adostasun ofiziala adierazi zuten CEBEKek egindako azken eskaintzarekiko, eta bertan behera utzi zituzten otsailaren 4, 5 eta 6rako sindikatu guztiek aurreabisatu genituen greba egunak.